英國廣播公司

英國廣播公司（英文：British Broadcasting Corporation，簡稱BBC）係世界至大傳媒。寫字樓喺英國倫敦西敏市，陣容鼎盛，夥記多達23,000位。開業多年，公司一直秉承宗旨，務求公正流於英倫三島。佢亦係全球第一間電視台^[1]。

公司雖獲英國政府泵水，不改「銀紙照逗，宗旨照舊」本色，得人稱讚，享譽全球。而一度以獨市生意雄霸大不列顛，直至1955年獨立電視台開張。BBC係皇家御准廣播公司，獲內政大臣頒發許可狀。公司賺錢全憑徵收電視金，銀碼經政府審議。1932年年尾，公司生意做到出埠，其後踏足電視界乃至於電腦網路。時至今日，公司瓣數多羅羅，即如刊印報章雜誌、開設英文學堂、籌辦音樂會之類。

而喺2012年 11月11號，英國廣播公司前行政總裁佐治·恩特威斯爾，因為受到報道一單性侵犯兒童報道嗰陣，錯誤暗示同一名資深保守黨員有關醜聞影響，而宣佈引咎辭職，由東尼·赫爾安排接任行政總裁一職^[2]，成為係2012年 9月17號上任嗰陣最短命總裁^[3]。