江戶時代
| 日本史 |
|---|
|
|
江戶時代（日語：江戸時代）係日本一個時代，佢嘅年份喺1603年到1868年為止，當德川家康成為咗征夷大將軍同埋成立江戶幕府之後，咁就開始咗。由於江戶時代早期開始實行鎖國政策，只批准明朝（同後來嘅清朝）同埋荷蘭嘅商船到日本貿易，形成更獨特嘅日本文化。此外，實行咗嚴格嘅武士制度，令到幕府自1636年嘅島原之亂後，直到幕府為止，冇發生過大規模嘅暴動。
政治
[編輯]雖然喺關原之戰大大削弱豐臣家實力，但係仍然重未減少家康對豐臣秀賴嘅戒心，終於喺1615年大阪之陣中消滅咗豐臣家，此後為免出現武士之間嘅互相攻擊，下令進行一國一城令以及參勤交代加緊對地方大名嘅監督。德川幕府設立咗譜代大名同埋外樣大名，此外重有長期留喺江戶城嘅武士集團旗本，成為咗幕府統治全國嘅基礎。
經濟
[編輯]幕府為咗方便自己統治，開始實行嚴格嘅階級制度。佢哋特別重視農民，重唔鼓勵啲日本人從事商業活動。