水浮蓮

How to read a taxobox 水浮蓮
水浮蓮嘅花
物種分類
界 植物界 Plantae （未分級） 單子葉植物 Monocots （未分級） 鴨跖草類植物 Commelinids 目 鴨跖草目 Commelinales 科 雨久花科 Pontederiaceae 屬 鳳眼蓮屬 Eichhornia 種 水浮蓮 E. crassipes
二元學名
Eichhornia crassipes (Mart.) Solms

水浮蓮（粵拼：seoi2 fau4 lin4；學名：Eichhornia crassipes），又叫鳳眼蓮（fung6 ngaan5 lin4）、鳳眼藍（fung6 ngaan5 laam4）；中國嘅北話地區嗌水葫蘆（seoi2 wu4 lou4*2）；臺灣地區嗌布袋蓮（bou3 doi2*6 lin4）；係雨久花科鳳眼蓮屬嘅水生直立或漂浮草本植物，原產地喺南美洲嘅委內瑞拉或亞馬遜河流域，而家喺全球好多個國家入面都可以搵到。佢既係世界百大外來入侵物種嘅一種植物，又係植物界入面，唯一一種又愛又恨嘅植物。

名

呢種植物嘅學名雖然叫「鳳眼蓮」或「鳳眼藍」，但咪話細路，甚至連大人都冇幾個識。不過一講嚫「水浮蓮」或「水葫蘆」，好多人都知就係呢樖嘢。其實樖嘢嘅葉大到好似葫蘆噉，加上佢係水生植物，一般浮喺水上邊，而且佢嘅花好似啲蓮花噉，所以「水葫蘆」或「水浮蓮」嘅名就係噉嚟。

形態

呢種植物嘅莖有好多海綿組織，尤其係氣囊有好多氣，所以點解佢可以漂浮喺水面，甚至飆到邊度都得。加上佢冇藕，而葉片比較細，一般係圓或蛋形；而葉柄中間係漲大咗，好似個葫蘆噉。佢嘅花一般係穗狀花序，有6~12朵紫藍色嘅花，個樣好似漏斗，6裂品種。佢一般喺夏天開花。

適應環境

佢鍾意暖而濕兼有夠陽光嘅環境，都禁寒下。

用途

水浮蓮可以用嚟做豬嘅食品，甚至用嚟做綠肥、生產沼氣、重可以整紙。另外，呢種植物嘅葉可以食得，個味好似街邊賣嘅白菜仔噉。佢嘅根可以整成飲品都得。

藥用價值

呢種植物嘅根或成樖草都可以做藥，有疏散風熱，利水通淋，清熱解毒嘅功效。

又愛又恨

呢種植物之所以又愛又恨，係因為有以下嘅因素：

唔好因素：外來入侵物種

由於水浮蓮有好得人驚嘅繁殖能力，單純種一樖水浮蓮，過咗2個月，即刻可以繁殖到＞1000個後代（俗稱「千胞胎」），講得犀利啲，可以做「水生植物霸權主義」都得，所以點解成日喺水面度見到佢出現大範圍嘅覆蓋，搞到其它水生動植物（尤其係水底生嗰啲）唔單止冇嗮光合作用，甚至冇足夠嘅空氣同食物畀佢哋。唔單止噉，水浮蓮甚至重整蠱埋水廠嘅安全生產環節方面，大多數都係搞搞震冇幫襯嘅。。就因為噉搞到水入面冇嗮生態平衡，慢慢噉變成「污染」嘅代名詞。

好嘅因素：淨化環境植物

水浮蓮唔係樣樣都做衰嘢兼冇建設性嘅多。佢嘅積極方面係可以淨化污水，分解有毒物質嚟保障人體健康。之前有科學實驗話過，1ha嘅水浮蓮，24個鐘內可以吸收污水入面嘅Na——34kg；Ca——22kg；P——17kg；Mn——22kg；—OH——2.1kg；Hg——89kg；Al——104g；Ni——297g；Sr——321g……。重可以喺10mg/L帶有Zn²⁺嘅污水入面種佢38日，佢身體入面有嘅鋅含量超過其它植物嘅133%。而且重可以將酚、CN^-、Pb等有毒物質分解成冇毒嘅嘢。佢之所以做到咁有益嘅嘢，係因為佢有比較大嘅鬚根系，可以猛咁吸收水入面嘅污染物。

相

• 
  漲大咗嘅葉柄剖面
• 
  習性
• 
• 
  花

有關嘅書

• 中国少年儿童百科全书 自然·环境 第434页　浙江教育出版社 ISBN 7-5338-1946-2/G·1942
• 稀有植物 第64~65页　金盾出版社 ISBN 978-7-5082-6715-9

出面網頁

• （繁體中文）（英文）鳳眼蓮 Fengyanlian 藥用植物圖像數據庫 (香港浸會大學中醫藥學院)
• 水葫芦 A+医学百科
• 凤眼蓝 Eichhornia crassipes 中国植物志
• Eichhornia crassipes
• Eichhornia crassipes Israel Wildflowers and native plants
• Practical uses of Water Hyacinth