愛是永恆
| 愛是永恆 | |
|---|---|
| 張學友嘅歌 | |
| 收錄喺專輯《不老的傳說》 | |
| 發行日期 | 1997年1月 |
| 填詞 | 林振強 |
| 作曲 | Dick Lee |
| 編曲 | Sydney Tan |
| 監製 | 寶麗金唱片 |
《愛是永恆》係出自香港歌手張學友《不老的傳說》唱碟入面嘅一首冠軍單曲，係音樂劇《雪狼湖》嘅閉幕曲，寶麗金唱片公司喺1997年1月發行。歌曲亦收錄喺同年推出嘅唱片《不老的傳說》中，亦灌錄國語版本；國語版就由林明陽同張學友一齊填詞，亦作為1997年《雪狼湖》音樂劇的國語版閉幕曲。《愛是永恆》一度成為鐵達時廣告歌曲。
介紹
[編輯]《愛是永恆》由星加坡音樂家Dick Lee作曲，香港著名填詞人林振強填詞，係1997年公演著名音樂劇《雪狼湖》嘅閉幕曲，首歌第一次出現喺《雪狼湖》入面係第一幕嘅高潮處部份，當男主角胡狼向女主角寧靜雪喺湖中嘅小艇上表白時所唱出。
《愛是永恆》係音樂劇《雪狼湖》最熟嘅其中一個單曲，亦被很多人認為係《雪狼湖》嘅主題曲，自1997年公開推出後，成為粵語流行音樂嘅經典曲目之一，曾被幾位出名歌手翻唱，其中最熟係2004年杜麗莎喺無綫電視節目入面翻唱，亦被張學友認為係最好嘅翻唱。張學友曾幾次喺大型表演入面選唱《愛是永恆》，包括大型個人演唱會同一啲重要嘅慈善表演。
《愛是永恆》多次被香港廣告商選定做廣告背景音樂，喺2003年嘅電影《金雞2》，2010年嘅電影《72家租客》（同模仿佢嘅唱腔王祖藍）入面，張學友亦有唱出《愛是永恆》。佢都喺2011年鄧光榮嘅喪禮唱呢隻歌。
雪狼湖
[編輯]喺音樂劇《雪狼湖》，《愛是永恆》係唱出頻率最高嘅歌曲之一；亦被當做整劇嘅閉幕曲。《愛是永恆》第一次由男主角胡狼喺第一幕入面同寧靜雪喺湖入面划船時唱；之後喺第二幕嘅尾聲，胡狼抱住寧靜雪嘅屍體沉湖後，再次由全體演員唱出。但係，喺學友光年世界巡迴演唱會，首歌就係改版《雪狼湖》嘅揭幕曲。
成績
[編輯]1997年第一季：
| 歌曲 | 903 專業推介 | RTHK 中文歌曲龍虎榜 | 997 勁爆流行榜 | TVB 勁歌金榜 |
|---|---|---|---|---|
| 愛是永恆 | 冠軍 | 冠軍 | 冠軍 | 冠軍 |
獎
[編輯]- 1997年度十大中文金曲頒獎典禮
- 「十大中文金曲」：《愛是永恆》
- 全年銷量冠軍大獎──不老的傳說
- 四台聯頒大碟獎
- 1997年度十大勁歌金曲頒獎典禮
- 勁歌第一季季選金曲──愛是永恆
- 十大勁歌金曲──愛是永恆
- 四台聯頒傳媒大獎——演唱歌曲——愛是永恆
- 1997年度叱咤樂壇流行榜頒獎典禮
- 叱咤樂壇大碟IFPI大獎──不老的傳說
- 1997年度新城勁爆頒獎禮
- 「新城勁爆情歌」：《愛是永恆》
- 「金心情歌本地金心情歌」：《愛是永恆》
- 新城勁爆舞台演繹獎──雪狼湖
- 新城勁爆全年最佳大碟──雪狼湖
- 其他
- 「有線YMC至尊榜至尊最愛廣東歌曲」：《愛是永恆》
- IFPI金唱片銷量獎──不老的傳說
衍生作品
[編輯]亞視永恆
[編輯]《亞視永恆》係2015年二次創作歌曲，改編自張學友嘅《愛是永恆》，諷刺亞洲電視陷入行政混亂同節目質素下降之外仲未執，流出過多個唔同版本。2015年6月開始，香港網絡媒體毛記電視嘅音樂節目《勁曲金曲》開播，《亞視永恆》開始時成日出現喺《勁曲金曲》金榜入面，喺2016年2月1號之前一直冇落過榜。歌詞每次都唔同，當中「亞視會，永遠都存在」就出現過幾次。2015年8月23號，河國榮以岩布仙尼嘅裝束，出席假借何韻詩演唱會場地嘅「勁曲金曲優秀選」，現場演唱得獎歌曲《亞視永恆》。由於《亞視永恆》雖然長期喺「勁曲金曲」金榜之上，但都從未做過過冠軍歌。《亞視永恆》喺2016年1月嘅《第一屆十大勁曲金曲分獎典禮》仲攞到「曲金曲獎」嘅殊榮。