ⴰⴼⵔⴷⵉⵙ ⴰⴽⵔⵓⵔⴰⵏ
ⴰⴼⵔⴷⵉⵙ ⴰⴽⵔⵓⵔⴰⵏ (ⵙ ⵜⴼⵔⴰⵏⵙⵉⵙⵜ: élément chimique) ⴷ ⵜⴰⴳⵔⵓⵎⵎⴰ ⵏ ⵉⴱⵍⴽⵉⵎⵏ (atome) ⵥⵍⵉⵏⵉⵏ ⵙ ⵢⴰⵏ ⵡⵓⵟⵟⵓⵏ ⵉⵎⴷⵏ ⵏ ⵉⴱⵔⵓⵜⵓⵏⴻⵏ ⴳ ⵡⵓⵥⵎ (noyau) ⵏⵏⵙⵏ. ⵓⵟⵟⵓⵏ ⴰⴷ, ⵏⵏⴰ ⵏⵜⵜⴰⵔⴰ ⵙ Z, ⵏⵜⵜⵉⵏⵉ ⴰⵙ ⵓⵟⵟⵓⵏ ⴰⵡⴱⵍⴽⵉⵎ ⵏ ⵓⴼⵔⴷⵉⵙ ⴰⴽⵔⵓⵔⴰⵏ. ⴳ ⵜⵉⵍⴰⵡⵜ, ⵜⵉⵖⴰⵔⵉⵡⵉⵏ ⵜⵉⴽⵔⵓⵔⴰⵏⵉⵏ ⵏ ⵉⴱⵍⴽⵉⵎⵏ ⵜⵜⵓⵙⵡⵜⵜⴰⵏⵜ ⵙ ⵜⵓⵙⴽⵉⵡⵜ ⵏⵏⵙⵏ ⵜⴰⵡⵍⵉⴽⵜⵔⵓⵏⵜ ⵏⵏⴰ ⵉⵇⵇⵏⴻⵏ ⵙⵔⵉⴷ ⵙ ⵡⵓⵟⵟⵓⵏ ⵏ ⵉⴱⵔⵓⵜⵓⵏⴻⵏ ⵏ ⵡⵓⵥⵎ ⵏⵏⵙⵏ, ⴰⵢⵏⵏⴰ ⵢⴰⴽⴽⴰⵏ ⵎⴰⵙ ⴷ ⵉⴱⵍⴽⵉⵎⵏ ⵢⴰⴽⵙⵓⵍⵏ ⴳ ⵡⵓⵟⵟⵓⵏ ⴰⵡⴱⵍⴽⵉⵎ ⵜⵜⵉⴽⵙⵉⵍⵏ ⴰⵙⵏⵜ ⵜⵖⴰⵔⵉⵡⵉⵏ ⵜⵉⴽⵔⵓⵔⴰⵏⵉⵏ. ⴳ ⵓⵏⵎⴳⴰⵍ, ⵣⵎⵔⵏ ⵉⴱⵍⴽⵉⵎⵏ ⵏ ⵓⴼⵔⴷⵉⵙ ⴰⴽⵔⵓⵔⴰⵏ ⵉⴳⴰⵏ ⵢⴰⵏ ⴰⴷ ⵉⵍⵉⵏ ⵢⴰⵏ ⵡⵓⵟⵟⵓⵏ ⵉⵎⵣⴰⵔⴰⵢⵏ ⵏ ⵉⵏⵓⵜⵔⵓⵏⴻⵏ ⴳ ⵡⵓⵥⵎ ⵏⵏⵙⵏ, ⴰⵔ ⴰⵙⵏ ⵏⵜⵜⵉⵏⵉ ⵜⵉⵥⵓⵜⵓⴼⵉⵏ (isotopes).
ⴰⵀⵉⴷⵔⵓⵊⵉⵏ, ⴰⴽⴰⵔⴱⵓⵏ, ⴰⵥⵓⵜ, ⵓⴽⵙⵉⵊⵉⵏ, ⵓⵣⵣⴰⵍ, ⴰⵏⴰⵙ, ⴰⵥⵔⴼ, ⵓⵔⵖ, ⴰⵜⴳ. ⴳⴰⵏ ⵉⴼⵔⴷⵉⵙⵏ ⵉⴽⵔⵓⵔⴰⵏⴻⵏ. ⵢⴰⵍ ⵢⵓⵡⵏ ⴷⴳⵙⵏ ⵉⵜⵜⵓⵙⵏⴽⴰⴷ ⵙ ⵢⴰⵏ ⵢⵉⵏⵉⴳⵍ ⴰⴽⵔⵓⵔⴰⵏ: H, C, N, O, Fe, Cu, Ag, Au, ⴰⵜⴳ. ⴳ ⵓⵖⵔⵓⴷ, ⵜⵜⵢⴰⴼⴰⵏ ⴰⵔ ⴰⵙⵙⴰ 118 ⵏ ⵉⴼⵔⴷⵉⵙⵏ ⵉⴽⵔⵓⵔⴰⵏⴻⵏ, ⵙⴳ ⵡⵓⵟⵟⵓⵏ ⴰⵡⴱⵍⴽⵉⵎ 1 ⴰⵔ 118. ⵙⴳⵙⵏ, 94 ⵏ ⵉⴼⵔⴷⵉⵏ ⵜⵜⵓⵙⵎⴰⴳⵉⵏ ⵖⴼ ⵡⴰⴽⴰⵍ ⴳ ⵡⴰⵎⵎⴰⵙ ⴰⴳⴰⵎⴰⵏ, ⴷ 80 ⵖⵓⵔⵙⵏ ⵙ ⵜⴷⵔⵙⵉ ⵢⴰⵏ ⵓⵥⵓⵜⵓⴼ ⵉⵣⴳⴰⵏ (ⵡⵉⴷ ⴰⴽⴽ ⵖⵔⵙⵏ ⵓⵟⵟⵓⵏ ⴰⵡⴱⵍⴽⵉⵎ ⵉⵎⵥⵥⵉⵢ ⵖⴼ ⵏⵖ ⵉⴳⴷⴰ 82 ⴰⵎⵔ ⵉⴼⵔⴷⵉⵙⵏ 43 ⴷ 61).
ⵥⴹⴰⵔⵏ ⵉⴼⵔⴷⵉⵙⵏ ⵉⴽⵔⵓⵔⴰⵏⴻⵏ ⴰⴷ ⵎⵓⵏⴻⵏ ⴳ ⵜⵉⵣⵉ ⵏ ⵉⵎⵢⴰⴳⴳⴰⵜⵏ ⵉⴽⵔⵓⵔⴰⵏⴻⵏ ⴱⴰⵔ ⴰⴷ ⵙⵙⵉⵍⵖⵏ ⵢⴰⵜ ⵜⴰⵔⵜⴰⵍⵍⴰ ⵏ ⵡⵓⴷⴷⵉⵙⵏ ⵉⴽⵔⵓⵔⴰⵏⴻⵏ. ⵙ ⵓⵎⴷⵢⴰ, ⴰⵎⴰⵏ ⴳⴰⵏ ⵜⴰⵢⴰⴼⵓⵜ ⵏ ⵓⵙⵏⴰⵢ ⵏ ⵡⵓⴽⵙⵉⵊⵉⵏ ⴷ ⵓⵀⵉⴷⵔⵓⵊⵉⵏ ⴰⵢⵏⵏⴰ ⴰⵖ ⵢⴰⴽⴽⴰⵏ ⴰⴼⵏⵓⵣ ⴱⵓ ⵜⵏⴼⴰⵍⵉⵜ ⵜⴰⴽⵔⵓⵔⴰⵏⵜ H2O — ⵙⵉⵏ ⵉⴱⵍⴽⵉⵎⵏ ⵏ ⵓⵀⵉⴷⵔⵓⵊⵉⵏ ⴷ ⵢⴰⵏ ⵓⴱⵍⴽⵉⵎ ⵏ ⵡⵓⴽⵙⵉⵊⵉⵏ. ⴳ ⵜⴼⴰⴷⵉⵡⵉⵏ ⵜⵉⵡⵎⵀⴰⵍⵉⵏ ⵉⵎⵢⴰⵍⵍⴰⵏ, ⵉⵣⵎⵔ ⵡⵓⴽⵙⵉⵊⵉⵏ ⴷ ⵓⵀⵉⴷⵔⵓⵊⵉⵏ ⴰⴷ ⴼⴽⵏ ⵓⴷⴷⵉⵙⵏ ⵉⵎⵢⴰⵍⵍⴰⵏ, ⴰⵎⵎ ⴰⴱⵉⵔⵓⴽⵙⵉⴷ ⵏ ⵓⵀⵉⴷⵔⵓⵊⵉⵏ ⵏⵖ ⴷ ⴰⵎⴰⵏ ⵉⵜⵜⵓⴽⵙⵉⵊⵉⵏⴰⵏ, ⴱⵓ ⵜⴰⵏⴼⴰⵍⵉⵜ H2O2 — ⵙⵉⵏ ⵉⴱⵍⴽⵉⵎⵏ ⵏ ⵓⵀⵉⴷⵔⵓⵊⵉⵏ ⴷ ⵙⵉⵏ ⵉⴱⵍⴽⵉⵎⵏ ⵏ ⵡⵓⴽⵙⵉⵊⵉⵏ. ⴳ ⵓⵏⵎⴳⴰⵍ, ⵢⴰⵍ ⵓⴷⴷⵉⵙ ⴰⴽⵔⵓⵔⴰⵏ ⵉⵖⵢ ⴰⴷ ⵉⵔⵢ ⵉⴳ ⵉⴼⵔⴷⵉⵙⵏ ⵉⵎⵢⴰⵍⵍⴰⵏ, ⵙ ⵓⵎⴷⵢⴰ ⴰⵎⴰⵏ ⵥⴹⴰⵔⵏ ⴰⴷ ⵜⵜⵓⵍⵉⴽⵜⵔⵓⵍⵉⵣⴰⵏ ⵖⵔ ⵡⵓⴽⵙⵉⵊⵉⵏ ⴷ ⵓⵀⵉⴷⵔⵓⵊⵉⵏ.
ⵜⴰⵏⴳⴰ ⵜⴰⵣⴷⴷⴰⴳⵜ ⵢⵓⵍⵖⵏ ⵙ ⵉⴱⵍⴽⵉⵎⵏ ⵏ ⵓⴼⵔⴷⵉⵙ ⴰⴽⵔⵓⵔⴰⵏ ⵉⴳⴰⵏ ⵢⴰⵏ ⵏⵇⵇⴰⵔ ⴰⵙ ⵜⴰⴼⴽⴽⴰ ⵜⴰⴼⵔⴰⵔⵜ, ⵓⵔ ⵉⵙⵙⵉⵏ ⴰⴷ ⵜⵔⵢ ⵖⵔ ⵉⴼⵔⴷⵉⵙⵏ ⵉⵎⵢⴰⵍⵍⴰⵏ, ⵎⴽⴰ, ⴰ ⵙ ⵏⵙⵎⵣⵉⵔⵉⵢ ⴳⵔ ⵜⴼⴽⴽⴰ ⵜⴼⵔⴰⵔⵜ ⴷ ⵓⴼⵔⴷⵉⵙ ⴰⴽⵔⵓⵔⴰⵏ. ⵙ ⵓⵎⴷⵢⴰ, ⵓⴽⵙⵉⵊⵉⵏ ⴷ ⴰⴼⵔⴷⵉⵙ ⴰⴽⵔⵓⵔⴰⵏ, ⵎⴰⵛⴰ ⵓⵔⵔⵉⴳ ⵏⵏⴰ ⴰⴽⴽ ⵏⵙⵙⵏ ⴷ ⵏⵏⴰ ⵎⵉ ⵏⵜⵜⵉⵏⵉ ⴳ ⵡⴰⵡⴰⵍ ⵏ ⵢⴰⵍ ⴰⵙⵙ "ⵓⴽⵙⵉⵊⵉⵏ" ⵀⴰⵜ ⵜⴰⴼⴽⴽⴰ ⵜⴰⴼⵔⴰⵔⵜ ⴰⵢⴷ ⵉⴳⴰ ⵉⴳ ⵢⵉⵙⵎ ⵏⵏⵙ ⵓⵏⵖⵉⴷ ⴰⵙⵉⵏⵓⴽⵙⵉⵊⵉⵏ, ⵜⴰⵏⴼⴰⵍⵉⵜ ⵏⵏⵙ O2, ⴱⴰⵔ ⴰⴷ ⵜ ⵏⵙⵎⵢⵉⵍⵍⵉ ⴷ ⵡⵓⵥⵓⵏ ⴱⵓ ⵜⵏⴼⴰⵍⵉⵜ O3, ⵉⴳⴰⵏ ⴰⵍⵜⵓ ⵜⴰⴼⴽⴽⴰ ⵜⴰⴼⵔⴰⵔⵜ; ⵓⵥⵓⵏ ⴷ ⵓⵙⵉⵏⵓⴽⵙⵉⵊⵉⵏ ⴳⴰⵏ ⴰⵏⴰⵡⵏ ⵉⵙⵏⴼⵍⵉⴹⵏⴰⵏⴻⵏ ⵏ ⵓⴼⵔⴷⵉⵙ ⵓⴽⵙⵉⵊⵉⵏ. ⴰⴷⴷⴰⴷ ⴰⵏⴰⵡⴰⵢ ⵏ ⵢⴰⵏ ⵓⴼⵔⴷⵉⵙ ⴰⴽⵔⵓⵔⴰⵏ ⴷ ⴰⴷⴷⴰⴷ ⵏ ⵜⴼⴽⴽⴰ ⵜⴰⴼⵔⴰⵔⵜ ⵎⵉ ⵜⴳⴰ ⵜⵏⵜⴰⵍⴼⵉⵜ (Enthalpie) ⵜⴰⵏⴰⵡⴰⵢⵜ ⵏ ⵓⵙⵙⵉⵍⵖ ⵜⴰⵏⵍⵎⴰⴹⵜ ⴰⴽⴽ ⴳ ⵜⴼⴰⴷⵉⵡⵉⵏ ⵜⵉⵎⴰⴳⵏⵓⵜⵉⵏ ⵏ ⵓⵣⵖⴰⵍ ⴷ ⵓⵙⵙⵉⴽⵍ, ⵉⴳⴷⴰⵏ 0 ⵙ ⵓⵎⵙⴰⵙⴰ.
ⴰⴼⵔⴷⵉⵙ ⴰⴽⵔⵓⵔⴰⵏ ⵓⵔ ⵉⵙⵙⵉⵏ ⴰⴷ ⵉⵏⴼⵍ ⵖⵔ ⵢⴰⵏ ⵓⴼⵔⴷⵉⵙ ⵢⴰⴹⵏ ⵙ ⵓⵎⵢⴰⴳⴳⴰ ⴰⴽⵔⵓⵔⴰⵏ, ⴰⵎⵢⴰⴳⴳⴰ ⴰⵏⵓⵥⵎ ⵉⵜⵜⵓⵙⵎⵎⴰⵏ ⴰⵎⵎⵙⴽⵍ ⴰⵏⵓⵥⵎ ⴽⴰ'ⴰⵢ ⵉⵥⴹⴰⵔⵏ ⴰⴷ ⵉⴳ ⴰⵙⵏⴼⵍ ⴰⴷ. ⴰⵙⵏⵎⵍ ⴰⴷ ⵉⵙⵏⴼⴰⵍⵉ ⵜ ⵉ ⵜⵉⴽⴽⵍⵜ ⵉⵣⵡⴰⵔⵏ ⵓⵎⵙⴽⵔⵓⵔⴰ ⴰⴼⵔⴰⵏⵙⵉⵙ ⴰⵏⵜⵡⴰⵏ ⵍⴰⴱⵡⴰⵣⵢⵉ ⴳ 1789[1],[2].
ⵉⴼⵔⴷⵉⵙⵏ ⵉⴽⵔⵓⵔⴰⵏⴻⵏ ⵜⵜⵓⵙⵎⴰⵍⵏ ⴳ ⵜⵎⵢⵓⵔⵜ ⴳ ⵢⴰⵜ ⵜⴼⵍⵡⵉⵜ ⴷ ⵉⴽⴽⴰⵏ ⵜⵉⵡⵓⵔⵉⵡⵉⵏ ⵏ ⵓⵎⵙⴽⵔⵓⵔⴰ ⴰⵔⵓⵙⵉ ⴷⵉⵎⵉⵜⵔⵉ ⵎⵓⵏⴷⴰⵍⵉⴼ ⴰⵔ ⴰⵙ ⵜⵜⵉⵏⵉⵏ "ⵜⴰⴼⵍⵡⵉⵜ ⵜⴰⵡⴰⵍⴰⵏⵜ ⵏ ⵉⴼⵔⴷⵉⵙⵏ":
| →↓ | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 13 | 14 | 15 | 16 | 17 | 18 | |
| 1 | 1 H |
2 He | |||||||||||||||||
| 2 | 3 Li |
4 Be |
5 B |
6 C |
7 N |
8 O |
9 F |
10 Ne | |||||||||||
| 3 | 11 Na |
12 Mg |
13 Al |
14 Si |
15 P |
16 S |
17 Cl |
18 Ar | |||||||||||
| 4 | 19 K |
20 Ca |
21 Sc |
22 Ti |
23 V |
24 Cr |
25 Mn |
26 Fe |
27 Co |
28 Ni |
29 Cu |
30 Zn |
31 Ga |
32 Ge |
33 As |
34 Se |
35 Br |
36 Kr | |
| 5 | 37 Rb |
38 Sr |
39 Y |
40 Zr |
41 Nb |
42 Mo |
43 Tc |
44 Ru |
45 Rh |
46 Pd |
47 Ag |
48 Cd |
49 In |
50 Sn |
51 Sb |
52 Te |
53 I |
54 Xe | |
| 6 | 55 Cs |
56 Ba |
* |
71 Lu |
72 Hf |
73 Ta |
74 W |
75 Re |
76 Os |
77 Ir |
78 Pt |
79 Au |
80 Hg |
81 Tl |
82 Pb |
83 Bi |
84 Po |
85 At |
86 Rn |
| 7 | 87 Fr |
88 Ra |
* * |
103 Lr |
104 Rf |
105 Db |
106 Sg |
107 Bh |
110 Ds |
111 Rg |
112 Cn |
113 Nh |
114 Fl |
115 Mc |
116 Lv |
117 Ts |
118 Og | ||
| ↓ | |||||||||||||||||||
| Lanthanides | * |
57 La |
58 Ce |
59 Pr |
60 Nd |
61 Pm |
62 Sm |
63 Eu |
64 Gd |
65 Tb |
66 Dy |
67 Ho |
68 Er |
69 Tm |
70 Yb |
||||
| Actinides | * * |
89 Ac |
90 Th |
91 Pa |
92 U |
93 Np |
94 Pu |
95 Am |
96 Cm |
97 Bk |
98 Cf |
99 Es |
100 Fm |
101 Md |
102 No |
||||
ⵉⵙⵏⵎⴰⵍ
[ⵙⵏⴼⵍ | ⵙⵏⴼⵍ ⴰⵙⴰⴳⵎ]ⵉⵙⵎⴰⵡⵏ, ⵉⵏⵉⴳⵍⴰⵏ
[ⵙⵏⴼⵍ | ⵙⵏⴼⵍ ⴰⵙⴰⴳⵎ]ⴳ 2011, ⵜⴷⴳⴳⵉ ⵜⴰⵎⵓⵏⵜ ⵜⴰⴳⵔⴰⵖⵍⴰⵏⵜ ⵏ ⵜⴽⵔⵓⵔⴰ ⵜⴰⵣⴷⴷⴰⴳⵜ ⴷ ⵜⵎⵙⵏⴰⵙⵜ (UICPA) ⵉⵙⵎⴰⵡⵏ ⵙ ⵜⵏⴳⵍⵉⵣⵜ ⴷ ⵉⵏⵉⴳⵍⴰⵏ ⵉⴽⵔⵓⵔⴰⵏⴻⵏ ⵉⴳⵔⴰⵖⵍⴰⵏⴻⵏ ⵏ 112 ⵏ ⵉⴼⵔⴷⵉⵙⵏ ⵉⵎⵣⵡⵓⵔⴰ (ⵙ ⵓⵏⵎⴰⵍⴰ ⵏ ⵡⵓⵟⵟⵓⵏ ⴰⵡⴱⵍⴽⵉⵎ)[3]. ⴳ 31 ⵎⴰⵢ 2012, ⵉⵙⵎⵎⴰ UICPA ⵙⵉⵏ ⵉⴼⵔⴷⵉⵙⵏ ⵢⴰⴹⵏ, ⴰⴼⵍⵉⵔⵓⴱⵢⵓⵎ Fl ⴷ ⵓⵍⵉⴱⵉⵔⵎⵓⵔⵢⵓⵎ Lv (ⵓⵟⵟⵓⵏ 114 ⴷ 116)[4],[5]. ⴳ 31 ⴷⵓⵊⴰⵏⴱⵉⵔ 2015 ⵉⵙⵙⵓⴷⴻⴷ UICPA ⵉⵏⵏⵉⵢ ⵏ ⴽⴽⵓⵥ ⵏ ⵉⴼⵔⴷⵉⵙⵏ ⵢⴰⴹⵏ, ⵡⵉⵏ ⵡⵓⵟⵟⵓⵏⴻⵏ ⵉⵡⴱⵍⴽⵉⵎⵏ 113, 115, 117 ⴷ 118, ⵎⴰⵛⴰ ⵓⵔ ⴰⵙⵏ ⵉⴼⴽⵉ ⴽⵔⴰ ⵏ ⵢⵉⵙⵎⴰⵡⵏ ⵉⴳⴳⵓⵔⴰⵏ. ⵎⴰⵛⴰ ⴷⴰ ⵜⵜⵡⴰⵏⵏⴰⵏ ⵙ ⵢⵉⵙⵎⴰⵡⵏ ⵉⵎⴰⴷⴷⴰⵙⵏ ⵉⵔⴰⵏ ⴰⴷ ⵉⵏⴼⵍ ⴰⴷ ⴷⴰⵢ ⴰⵙⵏ ⵜⵜⵓⵙⵜⴰⵢⵏ ⵢⵉⵙⵎⴰⵡⵏ, ⴰⴷ ⵜⵏ ⵉⴳⴰⵏ ⴷ ⵓⵏⵓⵜⵔⵢⵓⵎ (Uut), ⵓⵏⵓⵏⴱⵓⵏⵜⵢⵓⵎ (Uuv), ⵓⵏⵓⵏⵙⴰⵜⵢⵓⵎ (Uus) ⴷ ⵓⵏⵓⵏⵓⴽⵜⵢⵓⵎ (Uuo)[6], ⵎⴰⵛⴰ ⵓⵎⵥⵏ ⵉⵙⵎⴰⵡⵏ ⵏⵏⵙⵏ ⵉⴳⴳⵓⵔⴰⵏ ⴳ 28 ⵏⵓⵡⴰⵏⴱⵉⵔ 2016, ⵙ ⵓⵣⵔⴰⴽ ⴰⵏⵉⵀⵓⵏⵢⵓⵎ (Nh), ⴰⵎⵓⵙⴽⵓⴱⵢⵓⵎ (Mc), ⴰⵜⵉⵏⵉⵙ (Ts) ⴷ ⵓⴳⴰⵏⵉⵙⵓⵏ (Og)[7].
ⴰⵏⴰⵎⵎⵔ
[ⵙⵏⴼⵍ | ⵙⵏⴼⵍ ⴰⵙⴰⴳⵎ]| Z | ⴰⴼⵔⴷⵉⵙ | ppm |
|---|---|---|
| 1 | ⴰⵀⵉⴷⵔⵓⵊⵉⵏ | 739 000 |
| 2 | ⴰⵀⵉⵍⵢⵓⵎ | 240 000 |
| 8 | ⵓⴽⵙⵉⵊⵉⵏ | 10 400 |
| 6 | ⴰⵥⵓⵥⵉⵎ | 4 600 |
| 10 | ⴰⵏⵢⵢⵓⵏ | 1 340 |
| 26 | ⵓⵣⵣⴰⵍ | 1 090 |
| 7 | ⴰⵥⵓⵜ | 960 |
| 14 | ⴰⵙⵉⵍⵉⵙⵢⵓⵎ | 650 |
| 12 | ⴰⵎⴰⴳⵏⵉⵣⵢⵓⵎ | 580 |
| 16 | ⴰⵡⴹⵉⵙ | 440 |
ⵉⵏⵉⴳⵍⴰⵏ, ⵜⴰⵙⵎⵍⵉⵙⵎⵜ ⴷ ⵓⵙⵙⵎⵉⵍ
[ⵙⵏⴼⵍ | ⵙⵏⴼⵍ ⴰⵙⴰⴳⵎ]ⵜⵉⵖⴰⵔⵉⵡⵉⵏ ⵏ ⵉⴼⵔⴷⵉⵙⵏ ⵉⵎⵢⴰⵍⵍⴰⵏ
[ⵙⵏⴼⵍ | ⵙⵏⴼⵍ ⴰⵙⴰⴳⵎ]ⵉⵙⵓⵖⴰⵍ
[ⵙⵏⴼⵍ | ⵙⵏⴼⵍ ⴰⵙⴰⴳⵎ]ⵜⴰⴷⵍⵙⵓⵎⵓⵖⵜ
[ⵙⵏⴼⵍ | ⵙⵏⴼⵍ ⴰⵙⴰⴳⵎ]ⵥⵔ ⴰⵍⵜⵓ
[ⵙⵏⴼⵍ | ⵙⵏⴼⵍ ⴰⵙⴰⴳⵎ]ⵉⵙⴰⵖⵓⵍⵏ
[ⵙⵏⴼⵍ | ⵙⵏⴼⵍ ⴰⵙⴰⴳⵎ]- ↑ Traité élémentaire de chimie, p.101.
- ↑ ⴰⵎⵙⵏⴼⵉⵣⵉ ⴷ ⵓⵎⵙⴽⵔⵓⵔⴰ ⴰⵢⵔⵍⴰⵏⴷⵉ ⵔⵓⴱⵉⵔ ⴱⵓⵢⵍ, ⵏⵏⴰ ⵡⴰⵍⴰ ⵉⵜⵜⵓⵙⵏⴽⴰⴷⵏ ⵎⴰⵙ ⵉⴳⴰ ⴰⵎⴰⵔⴰ ⵏ ⵜⵎⵉⴹⵔⴰⵏⵜ ⵏ ⵓⴼⵔⴷⵉⵙ ⴰⴽⵔⵓⵔⴰⵏ, pratiquait en fait l'alchimie et recherchait le moyen de procéder à la transmutation des métaux entre eux. C'est davantage dans le domaine de l'atomisme qu'il a été précurseur, avec ses travaux fondateurs sur la physique des gaz et l'énoncé de la loi de Mariotte.
- ↑ IUPAC Periodic Table of the Elements ⵜⴰⴼⵍⵡⵉⵜ ⵜⴰⵡⴰⵍⴰⵏⵜ ⵏ ⵉⴼⵔⴷⵉⵙⵏ, ⵙⴳ ⵖⵓⵔ l'IUPAC (21 ⵉⵏⵏⴰⵢⵔ 2011). 9 ⴱⵕⴰⵢⵕ 2016.
- ↑ (en) Element 114 is Named Flerovium and Element 116 is Named Livermorium Les éléments 114 et 116 sont nommés flérovium et livermorium. consulté le 9-2-2016
- ↑ IUPAC Periodic Table of the Elements ⵜⴰⴼⵍⵡⵉⵜ ⵜⴰⵡⴰⵍⴰⵏⵜ ⵏ ⵉⴼⵔⴷⵉⵙⵏ ⵙⴳ ⵖⵓⵔ l'UICPA 1-5-2013).16-09-2015
- ↑ IUPAC Periodic Table of the Elements ⵜⴰⴼⵍⵡⵉⵜ ⵜⴰⵡⴰⵍⴰⵏⵜ ⵏ ⵉⴼⵔⴷⵉⵙⵏ, ⵙⴳ ⵖⵓⵔ l'UICPA (8-1-2016). consulté le 9-2-2016.
- ↑ (en) Elements 113, 115, 117, and 118 are now formally named nihonium (Nh), moscovium (Mc), tennessine (Ts), and oganesson (Og) 30-11-2016.
- ↑ Alchemy of the Heavens. ⴽⵉⵏ ⴽⵔⵓⵙⵡⵉⵍ. ⵜⴰⵥⵔⵉⴳⵜ ⵜⴰⵎⵣⵡⴰⵔⵓⵜ. ⴰⵏⵛⵓⵔ. ⵏⵢⵓ ⵢⵓⵔⴽ. ⴱⵕⴰⵢⵕ 1996. (ISBN 978-0-385-47214-2) ⵖⵔ ⴳ ⵓⵣⴷⴰⵢ