კომოდუსი

	კომოდუსი; ლათ. Commodus
	; კომოდუსიშ ბიუსტი
რომიშ იმპერატორი
პოსტის გერინაშ ბორჯი
	177 წანაშ ზარხული – 31 ქირსეთუთა, 192 წანა
წიმოხონი	მარკუს ავრელიუსი
მონძე	პერტინაქსი
ნაღურა	ქირსეთუთა 31, 192 (31 წანერი); რომი, იტალია, რომიშ იმპერია
ნთხორუ აბანი	რომი
მუმა	მარკუს ავრელიუსი
ნანა	ფაუსტინა უკულაში
ალმასქუ	ბრუტია კრისპინა
რელიგია	ჯვეშრომაული რელიგია

მარკუს ავრელიუს კომოდუს ანტონინუსი (ლათ. Marcus Aurelius Commodus Antoninus; დ. 31 მარაშინათუთა, 161 — ღ. 31 ქირსეთუთა, 192) — რომიშ იმპერატორი 177-192 წანეფს, ანტონინუსეფიშ დინასტიაშ ეკონია წჷმმარინაფალი. მუამუშიქ, მარკუს ავრელიუსიქ წჷმარინუ წორო-იმპერატორო 177 წანას. ავრელიუსიშ ღურაშ უკულ, 180 წანაშე გინირთჷ ხვალახე მამართალო. კომოდუსიშ მართუალაშ დოჭყაფათ ითებუ რომიშ იმპერიაშ ორქოშ ეპოქა, ნამუსჷთ რომაული თინჩალაშ პერიოდის უძახჷნა.

კომოდუსი, 172 წანას მონაწილენდჷ მარკომანეფიწკჷმა ოურდუმე კამპანიეფს. 177 წანას გიშაგორილქ იჸუ კონსულო. კომოდუსიშ იმპერატორობაშ ბორჯის, ფშხირი რდჷ დინახალენი კონფლიქტეფი, არყებეფი დო ინტრიგეფი. კომოდუსიქ იმპერიაშ მართუალაშ საქვარეფი მუში ფავორიტეფს საოტერუსის, პერენისის დო კლეანდრის გეგნოჩჷ. მუქ გაჭყჷ მუში პერსონალური კულტი დო დუდი გაღორონთუ. კომოდუსიქ მუშ დუდი გეგმაცხადჷ ახალი რომულუსო, რომს გიქიოდჷ კოლონია-კომოდიანა (კომოდუსიშ კოლონია) დო რომიშ სენატის კომოდუსიშ სენატი. თაშნეშე წარმოწანაშ თუთეფს დუთირუ ჯოხოდვალეფი.

კომოდუსი არენას ფშხირას მონაწილენდჷ გლადიატორეფიწკჷმა ლჷმეფს. კომოდუსიშ ჸათე საქვარეფი ვამოწონდჷ ვართი სენატის დო ვართი არმიას. 192 წანაშ 31 ქირსეთუთას კომოდუსი დოჸვილეს (კომოდუსი აბანოს დაშკვიდუ მარკინე ნარცისუსიქ). კომოდუსიშ ღურაშ უკულ დიჭყჷ ხუთი იმპერატორიშ წანაშ პერიოდიქ, მუჟამსჷთ იმპერატორობაშო ლჷმენდჷ ხუთი პრეტენდენტი: პერტინაქსი, დიდიუს იულიანუსი, პესცენიუს ნიგერი, კლოდიუს ალბინუსი დო სეპტიმიუს სევერუსი.

ლიტერატურა

Geoff W Adams [2013]. The Emperor Commodus: gladiator, Hercules or a tyrant?. Boca Raton, FL: BrownWalker Press.

რესურსეფი ინტერნეტის

ენციკლოპედია ბრიტანიკა

კომოდუსი ანტონინუსეფიშ დინასტია დებადჷ: 161 ღურჷ: 192
წიმოხონი: მარკუს ავრელიუსი	რომიშ იმპერატორი 177 —192	გეჸვენჯი: პერტინაქსი

თე სტატია რომიშ ისტორიაშ გეშა დიოდღარო მერკე რე. თქვა შეგილებუნა ქუმმეხვარათ დო აკაფშათ თინა.