”Muzeu i Lirisë”, Çair-Shkup, me qëllim të realizimit të objektivave të përcaktuara për veprim sa më funksional, ka nisur bashkëpunimin  të drejtpërdrejtë me shumë institucione simotra që veprojnë në rrafshin kombëtar.

Një objektivë të këtillë është paraparë për ditën e diel, kur në lokalet e Muzeut,me fillim në ora 12 do të nënshkruhet Memorandum për Bashkëpunim në  mes të Muzeut ”Muzeu i Lirisë” Çair-Shkup dhe Kompleksit Përkujtimor”Adem  Jashari”, Prekaz.

Në vijim përfaqësuesit e institucioneve pjesëmarrëse në këtë eveniment do të vendosin  buqeta lulesh të freskëta pran Pllakës Përkujtimore të ngritur në afërsi të Muzeut,në shenjë respekti dhe përkujtimi për veprimtarin e palodhur,djalin e të madhit Ahmet Delia, Mersel Delinë.

          Pjesëmarrje kanë paralajmëruar  përfaqësues  të familjes së Jasharve nga Prekazi, përfaqësues të familjes së Ahmet Delisë, të komunës Çair, të Institutit për Trashëgiminë Kulturore dhe Shpirtërore të Shhqiptarëve në Maqedoni si dhe të  Shoqatës së Historianëve Shqiptar në Maqedoni e tj.