Die tale wat ons praat
Sondag, 20 Desember
11:00-11:30
Fonnie du Plooy gesels met Prof Wannie Carstens, voorsitter van die Afrikaanse Taalraad, die A.T.R.

Hoe verklaar jy dit?
Sondag, 20 Desember
11:30-12:00
Heleen van Schalkwyk beskryf ’n soutpan op ’n familieplaas in die Karoo waarin daar kuile voorkom waarvan die modder geweldig warm is ─ sy wonder waaraan dié hitte toe te skryf is

Leefwêreld van die Gestremde
Sondag, 20 Desember
14:15-14:30
Fanie du Toit en Neva Smith van Kaapstad bespreek die uitdagings wat gemeenskapsorganisasies ervaar in die lewering van maatskaplike dienste aan mense met gestremdhede.

Rand en Sent
Sondag, 20 Desember
15:30-16:00
Ina Paarman gesels oor haar loopbaan, haar passie vir kos en wat kersfees vir haar beteken.

Wat sê die Prokureur?
Maandag, 21 Desember
11:00-11:50
Wat bepaal die Suid-Afrikaanse reg aangaande bystandsselfmoord en genadedood?  Igna Klynsmith bespreek al die aspekte aangaande die sensitiewe saak.

Leeskring
Dinsdag, 22 Desember
20:30-21:00
Corina van der Spoel van die Boekehuis in Johannesburg vertel meer van ‘n paar boeke wat wonderlik sal werk as kersgeskenke.

Verhoudings met grense
Woensdag, 23 Desember
21:00-22:00
Kenners kyk na die grootste foute wat ons in ons belangrikste verhoudings maak en hoe om dit reg te maak of te voorkom.

Radioteater
Donderdag, 24 Desember
21:00-22:00
HIROSJIMA MY GELIEFDE deur Marguerite Duras.
Wat is liefde? Het dit ʼn vernietigende krag? Heel dit mense wat verskeur is? En kan liefde die gruwels van ʼn oorlog bedek en vergewe?

Kersdrama
Vrydag, 25 Desember
13:00-14:00
Hierdie drama, wat afspeel in die nag voor Jesus gekruisig word, beeld Pontius Pilatus uit as Romeinse prokurator in konfrontasie met Kajafas en die Joodse raad.

Kersmusiek deur die eeue
Vrydag, 25 Desember
14:00-15:00
Die verhaal van die geboorte van die Christuskind het komponiste deur die eeue heen geinspireer om van die mees vreugdevolle musiek te komponeer.

Kersdag bring nuwe hoop
Vrydag, 25 Desember
15:00-15:30
Daar is al gesê dat ‘n mens ‘n hele paar dae kan lewe sonder water en sonder kos, maar dat jy nie een oomblik kan oorleef sonder hoop nie.

Rëenboog Kersfees
Vrydag, 25 Desember
16:00-17:00
Van Mitchell’s Plain tot Drakenstein. Van informele nedersetting tot kinderhuis. Van tong tot boud op die tafel. Kom vier die tradisies, kleur en geure van Suid-Afrika se rëenboog Kersfees. Vind uit wat beteken Kersfees vandag vir Suid-Afrikaners.

Lekkerluister Kerskous
Vrydag, 25 Desember
19:30-20:00
In jou Kerskous is daar ‘n spesiale insetsel oor wat die feestyd vir mense met gestremdhede beteken, aangebied deur Fanie du Toit. En Christine Wessels praat oor die jeug en die wonder wat Kersfees vir hulle inhou.

Kersdrama (herhaling)
Vrydag, 25 Desember
20:00-21:00
Hierdie drama, wat afspeel in die nag voor Jesus gekruisig word, beeld Pontius Pilatus uit as Romeinse prokurator in konfrontasie met Kajafas en die Joodse raad.

Hoe verklaar jy dit?
Sondag, 27 Desember
11:30-12:00
Leon Schmidt skryf dat die water van die Atlantiese Oseaan aan die Kaapse Weskus ysig koud is, maar skielik op ’n dag heerlik warm kan wees en vra hoe dié storie verklaar kan word