ಬೇವುರೆ

ಬೇವುರೆದ ಮರ
Scientific classification
Kingdom:	plantae
(unranked):	Angiosperms
(unranked):	Eudicots
(unranked):	Rosids
Order:	Sapindales
Family:	ರುಟೇಸಿಯೇ
Genus:	ಮುರ್ರಯ
Species:	M. koenigii
Binomial name
Murraya koenigii

ದಕ್ಷಿಣ ಭಾರತೊಡು ಮಾತಾ ಅಡಿಗೆಗ್‌ಲಾ ರುಚಿ ಅತ್ತ್ಂಡಲಾ ಪರಿಮಲಗ್ ಬೇವುರೆ ಸೊಪ್ಪುನು ಬಳಕೆ ಮಲ್ಪುವೆರ್. ರುಚಿಟ್ಟ್ ಕಹಿ ಬೇವು ದಾತ್ ಕೈಪೆ ಇಜ್ಜಿಂಡಲಾ ಕಪ್ಪು ಬಣ್ಣಡ್ ಉಂಡು. ಅಂಚಾದ್ ಕರಿಬೇವು ಪಂದ್ ಲಾ ಉಂದೆಕ್ ಪನ್ಪೆರ್. ಒವ್ವೆ ಅಡಿಗೆಗ್ ಲಾ ಒಗ್ಗರಣೆ ದೀವರೆ ಬೇವುರೆ ಬೋಡೆ. ಬೇವುರೆದ ಮರ ಇಲ್ಲದ ಪಿರಾವುಡು ಬುಲೆಯುನ ಒಂಜಿ ಎಲ್ಯ ಮರ. ಅಡಿಗೆಗ್ ಉಪಯೋಗ ಮಲ್ಪುನೆಕ್ಕ್ ಉಂದೆಕ್ಕ್ ಸಂಸ್ಕೃತಡ್ ಕಾಲಕಾಶ ಪಂದ್ ಪನ್ಪೆರ್

ಉಪಯೋಗೊಲು

ಬೇವುರೆನ್ ಜಾಸ್ತಿಯಾದ್ ಅಡುಗೆ ಮಲ್ಪುನಗ ಬಳಕೆ ಮಲ್ಪುವೆರ್. ಅವ್ ಅತ್ತಂದೆ, ಆರೋಗ್ಯೋಗುಲ ಬೇವುರೆ ಮಸ್ತ್ ಎಡ್ಡೆ.

ಆರೋಗ್ಯಗ್

• ಒಂಜಿ ಚಮಚದಾತ್ ಇರೆತ್ತ ರಸೊನು ಒಂಜಿ ಚಮಚ ಲಿಂಬೆ ರಸೊನು ಬೊಕ್ಕ ಸಕ್ಕರೆನು ಬೆರತ್ ದೆತೋಂಡ ಕಾಂಡೆ ಕಕ್ಕುನ ಬೊಕ ಅಜೀರ್ಣ ಆಪಿನೆಕ್ಕ್ ಎಲು ಸರಿಯಾದ್ ಬುಲೆಯಂದಿನೆಕ್ಕ್ ಪೂರ ಉಪಯೋಗ ಆಪುಂಡು.
• ಬೇವುರೆದ ಇರೆನ್ ತೊಡ್ಡೆ ನೆಯಿತ್ತ ಒಟ್ಟು ಪರ್ಂಡ ಎಲುತ್ತ ಸೀಕ್‌ಗ್ ಎಡ್ಡೆ
• ನೆತ್ತ ಇರೆನ್ ಗುದ್ದುದು ಅಲೆಕ್ಕ್ ಪಾಡ್ದ್ ಪರೊಲಿ
• ದಿನೋಲ ಕಾಂಡೆ ೮-೧೦ ಇರೆನ್ ಅಗ್ಗಿಂಡ ಮದುಮೇಹಗ್ಎ ಡ್ಡೆ. ಅಂಚೆನೆ ಬೊಜ್ಜುಗು ಲಾ ಎಡ್ಡೆ
• ಇರೆನ್ ಅರೆತ್ತ್ದ್ ಕುರಿ ಆಂಡ ಅವೆಕ್ಕ್ ಪಾಂಡ ಕುರಿ ಕಮ್ಮಿ ಆಪುಂಡು
• ಬೇವುರೆನ್ ೧೦ ನಿಮಿಷ ನರ‍್ಡ್ ಸರಿಯಾದ್ ಅರೆತ್‌ದ್ ಬೊಂಡ ದೊಟ್ಟು ಪರ್ಂಡ ಮಂಜಲ್ ಸೀಕ್‌ಗ್ ಬಾರಿ ಎಡ್ಡೆ
• ನೆತ್ತ ಕಾಯಿನ್ ಅರೆದ್ ಅವೆಕ್ಕ್ ಲಿಂಬೆ ರಸ ಬೆರತ್ ಪೂಜಿಂಡ ಉಮಿಲ್ ಪಿಜಿನ್ ಪೂರ ಚುಚ್ಚುನೆಕ್ಕ್ ಬಾರಿ ಎಡ್ಡೆ
• ಕಫ,ಪಿತ್ತ ಕಮ್ಮಿ ಆವರೆ ಬೇವುರೆ ಎಡ್ಡೆ,