Greenland

Greenland

kian

sintuqi squ kian	64°10′N 51°44′W
kinbhci	2,166,086 km2
qalang	Nuuk
ke
Greenlandic Kalaallisut Inuktun Tunumiisut
Linpgan squliq
56,081
ryax nqu kian
UTC~UTC-4
pposa giqas nqu zyuwaw
.gl

Klinlang

Zyuwaw na kinbkisan

Kelinlang na yuncumin ga squliq na Innyute，sknwan ga mwah sqani、swa mwazyaw sa lhlahuy na rhyal kian nha，kya qu kinta nha ru qinnxan nya。Maki sa Pintaw na kinhangan na Peo sa mqeru kbhul mspat pgan sazing ru mwah sqani，squliq na Pintaw maki sa Kelinlang na spyang sa kura mkilux cyugal qu kian nha misu na kian nha ga 。

Lalu na Kelinlang qani ga sinllwan squliq na Skantinaweya sinlalu。Kinta na Peo na Senhwa ka minnraw na SesSacya，Mtalax na ngurusAyzweko maha hmswa ga kmut sa squliq nanu yasa mwah mkpelang kahul sa Pintaw mtkali sqani。Arzweko qutux ngasal ru yatwey nya mkura byaqan wagi ki mkura ghyaq mluw qasu，hinkangi sa pintke mha maki baly qu pinnung maku . cyux maki inu qu rhyal.nanu yasa cinqalang balay sa rhyal na Taw qani lga，sllwan nha ma Kelinlang（Grønland，imi nya ga「mtasiq na rhyal」），nanu yasa cinhayng balay qu squliq muwah mqyanux minbzyaq sqani（ana ga ryhyal na taw ka kura mkilux ga kbhuzyuwaw qu k’man nya）。Kekaq nha qani ga seko balay .kya mpayat seng na squliq na Peo mwah minbyaq sa rhyal qani.sraral na pintasan na bbiru ga，lalu na Kelinlang qani ga minnraw nha sa Gruntland.（imi nya ga rhyal na rrhyal），nanu balay qu Grunt ru Grøn mnanak na hngya’an，keruma ga psyukun nha kmal，tehuk misu qani ga ungat squliq baq。

ryax na mopuw sazing kinmhgan，maki sa Kelinlang psrunx sa kinlahangnaTenskyo na Sukyo na qalang. Qutux seng kawas cyugal kbhul

mspat pgan mtzyu，Kelinlang qani ga wayal galaun na Nowe la，mPeo na te cyugal na koka Karlma linhoyan na hebanq rhyal.Zwetinng hmtuy

la，linhoyan qasa ga msgagay la.Kelinlang mtwiru mluw sa Tanmay-Nowe sazing koka pspung kwara zyuwaw nha ru lmahng lha la。

si tehuk sa babaw na magal kbhul kawas，squliq na Peo cinqalang na sa ryax na mopuw magal kinbhgan mskongat la ，qani hya ga ryax na cipoq na mtlaka nanu yasa ungat qu nniqun .。babaw na ryax nasa lga ’lwan na squliq cinqalang na bqni，baqun balay cingay ini kinthuk qu ezyu nha。kawas qutux seng mpayat kbhul mpusal paya.maki qutux minnraw na tegamet kahul sa Kelinlang posun sa Pintaw.squliq na Peo cinqalang sa Kelinlang，babaw nya lga ungat squliq na Peo maki sa Kelinlang pinnraw la。kya qutux uzi ga，baha hmswa squliq na sraral hya ga ungat qu hopa na qinyaqih nha.kawas qutux seng mspat kbhul mopuw payat lga，skita sa pinbr aw na Cirl，Nowe qani ga Tanmay sqpaq nha sa Zwetin la，Tanmay Nowe linhoyan wayal mibugah la。koka na Tanmay galaun nya qu Kelinlang pklahang na kenli。Kawas qutux seng mqeru kbhul ru qutux lga ，Nowe qmol ka ungat squliq cintqalang Kelinlang qalang htgan wagi ，ptke mha ungat cinrhyal na rhyal，ptka mha kya qu kenli maku ma。Kawas qutux seng mqeru kbhul ru mtzyul cyugal ryax lga ，Tanmay ru Nowe sazing koka msswal pinssazyu nha posun nha linhoyan na khotung nya pinsrux na koci na hoin pspung，pinkita na sinpang，Tanmay qu magal Kelinlang na kenli。Ryax maki sa te sazing pintriqan na babaw cinbwanan，baha hmswa kawas qutux seng mqeru kbhul mpatal byacing mpayat mqeru ryax.Naswe Teko qolang nha qu Tanmay ru Nowe，Kelinlang ru Tanmay ga linro wayal mskyut，hetay na Inko ru Amerika qolang na Kelinlang mngungu ggalun na Teko。Kelinlang te kahul sa qmihuy Inwetuwte na Pincin btunux na Kwang，lmnglung mha Amerika ru Cyanata mgluw pspung sa psplang pila te magal sa ptbiran na qeqaya .myang qani ga sithuk sa tmsuqan na pintriqan.Ryax na te sazing pintriqan na babaw cinbwanan maki qutux qalang mtlokahiyal qu pinciriq nha. kawas qutux seng mqeru kbhul mpatal.mhuqil qalang qasa qutux hetay na Tanmay，babaw na qutux kawas lga mhuqil qalang qasa qutux hetay na Teko.

sezi

Kelinlang cinlalu na koka thoki ga Tanmay na mrhuw. Misu qani ga te sazing Makelite.sefu na Tanmay ga mere qutux wagiq na pamsun zyuwaw，（Rigsombudsmand／High Commissioner）rayhyo na thoki na Tanmay ru sefu。Kelinlang na Giin ga tkahul sa psenkyo.cintman nha ga mpayat kawas.mtzyul qutux qu hinha.psmsun na pgleng zezyuwaw ga .Kelinlang na mrhuw qani ga tkahul sa llamu na taw mthoki.

Ana pspung zyuwaw na kenli ga koka na Tanmay na linhoyan na koka na gluw，ana ga Kelinlang iyat gluw na Oco linhoyan na gluw。Koka Kelinlang maki sa sazing seng kawas mopuw byacing mpusal ryax lga psrux sa senkyo la，psekyo qani ga maki sa kwara qalang ga cqunun lmpuw ga mspat pgan qalang ru psrux sa senkyo，ryax nasa ga obih tehuk sa skabengi lga，ptke hyo nha la .minnwah sekyo ga mpituw pgan qutux .mqeru pgan tzyu%，mpituw pgan magal.mzimal payat%smwal kmahang nanak，mpuwsal cyugal.mzimal pituw% hantay。Msqun tohyo hminas mpituw pgan magal%wayal smwal sa pinseng kyo qani，babaw na pinsenkyo lga，Kelinlang lmahang nsnak na cintman nha ga kahul sa sazing seng kawas ru mqeru byacing myzyu ru mpusal qutux ryax taring la，m’kocifa na mtbuci psrux na sefu nanak la.psmsun pspung kmahang koka nha nanak 、koka na gaga son qenu pcyagun kwara na zyuwaw，ana ga zyuwaw na hetay ru zyuwaw na binah koka ru psmsun pila na zyuwaw ga koka na Tanmay qu lmahang ru pspung na.sazing kawas ru mopuw qeru byacing .ptka sa《sinbuw na Hasentun》，sazing squliq baq qu zyuwaw mha Trump kyalun nya qu sehu’ nya sefu Amerika mha biraw ta qu Kelinlang taw。Babaw nya lga.Paykong na psmsun psplang na Lali.kuwtelo mha balay qu zyuwaw qani.

Linpgan na squliq

Kelinlang linpgan na squliq ga mkrroq iayl ， ru linpgan na squliq wayal mtgyut cipoq。Baha hmswa kayal nha ga qlyen ru mhngan ga mnanak iyal uzi，nanu yasa qinnxan na qu squliq nha mnanak uzi，mknanak qu inlungan nha qu squliq nha .slaqux nya kwara binah na qalang，mutuw cingay qu squliq nya zisat.

psmsun zyuwaw na glgan

Babaw na pintriqan na babaw cinbawnan，Amerika maki sa Kelinlang tawpkbalay sa psrux sa Citi ru hngawan na hikoki.Kangerlussuaq (SFJ)spyang hopa na hngawan na koci mpanga sa squliq na hngawan na hikoki. maki ka hopa na hikoki na tuqi.ana ga SFJ mstwahiq ki hopa na kian squliq na qalang .kitwahiq na hopa qalang ga Funuke cyugal kbhul ru mopuw pituw kongli。Kwara ka nniqun ga kahul sa Kepinhakin tehuk SFJ hopa balay na hikoki mpanga maras，ru cipoq na hikoki qmasu sa binah na qalang na taw . Nuke hngawan na hikoki ga (GOH) ga te sazing sa spyang hopa na hngawan na hikoki，kitwahiq na qalang hopa ga nanak mtzyu konli，spyang pcyagun nya ga mmaras sa squliq hikoki，qutux qutux ryax na pplaka mpanga squliq na。kwara naaw qani ga kya mopuw spat kantan na plaka na tuqi hikoki. Kya mopuw payat kinnalay na squliq ckaw na cipoq na pplaka na tugi hikoki.Hikoki na minsyu ga koka na Tanmay nyux kmahang uni ga psmsun na Zyuwaw Kelinlang hngawan na hikoki . psmsun na Zik na taw ga zyuwaw Kelinlang hngawan na hikoki kongs kmahang Koci na plaka na hikoki ga qutux rehay ga minpayat mlaka. ’mubuy Tanmay Kepinhaken ru Pintawlekeyaweke.Pintaw na Hangkong kahul

Pintawlekeyaweke mlaka musa Narsarsuaq，ru kya qu plaka na tuqi nya sllwa nha ma「hlahuy qutux ryax na ppzian」。Binah ga，Kelinlang hangkon kons maki sa’bagan ka pzyugan na kayal kya panic kahul sa Cyanata Iqaluit tehuk sa Nuko na tuqi hikoki。Kya ruma ga musa Kelinlangtaw mwah mmzuy na mmangay pzian na ssquliq，ru mluw sa

hopa qasu tehuk.Arctic Umiaq Line mtzyuwaw Kelinlang na babaw na umi na umi na mpanga squliq ru mpanga sa qeqaya na pincyagun，ana ga panga na qasu kahul sa Tanmay tehuk Nuke kintwahiq nya ga cyugal sengmspat kbhul kongli.twahiq iyal qu qalang qasa la .mpanga sa mstmanga na nniqun.Hangyun kongs Royal Arctic Line mpanga sa

qeqaya. Kelinlang miq sa OMe na psplang na pila.

Greenland (格陵蘭) hya’ ga cyux maki’ tay 72 00 N, 40 00 W na Oco syuw.

kwara’ kinghciyan niya’ 2,166,086 sq km (maki’ tay 12ginkgan kin wahci’)

(kinwhci’ niya’ ga 2,166,086 sq km , kinwhci’ na lawsayan wsilung hya’ ga )

Kinkhmayan kwara’ squliq hya’ ga 57,728.

Pinbcyan naha’ sni’ naha’ rhzyal hya’ iy pqmahun hya’ ga 0.60% , lhlahuy hya’ ga 0%, sni’ naha’ sa pptzyuwaw sa bzinah hya’ ga 99.40%.

spzyang qalang na Kokka’ (首都)

spzyang naha’ krahu’ qalang hya’ ga Nuuk.

mrhuw Kokka’ (國家元首)

mrhuw Kokka’ ta’ misuw hya’ ga Elizabeth II, aring ryax 6 squ byacing tay 2 sa kawas 1952 lga, musa’ spazyang balay ms’rux kya la.

cinkhulan sa knita’ sa brbiru’