Mac Pro компьютерінде MPX модульдерін орнату
Mac Pro компьютеріңізде MPX молульдерін орнату үшін мына қадамдарды орындаңыз. MPX модульдері 1 және 3-ші PCIe кеңейту ұяларына орнатылуы тиіс.
Маңызды: Әрбір PCIe ұясы ең көбі 75 Вт-қа есептелген; Әрбір 6 істікті көмекші (AUX) қосқышы 75 Вт-қа және әрбір 8 істікті AUX қосқышы 150 Вт-қа есептелген. Тек PCIe спецификациясының салалық стандартына сай келетінін арнайы көрсететін PCIe модульдерін пайдаланыңыз. Сәйкес емес модульдерді пайлалану түрлі кіріс қуат көздерін бөле алмауы мүмкін, бұл күю қаупін тудыруы және компьютерді зақымдауы мүмкін.
Ескертпе: Mac Pro рамалы жұмыс станцияңыз болса, MPX модульдерін Mac Pro компьютеріне орнату бөлімін қараңыз.
Mac Pro компьютеріңізді Apple мәзірі
> Shut Down тармағын таңдау арқылы өшіріңіз.Ыстық болуы мүмкін ішкі компоненттерді ұстамастан бұрын 5-10 минут бойы Mac Pro компьютеріңіздің салқындауын күтіңіз.
Mac Pro компьютерінен қуат сымынан басқа барлық кабельдерді ажыратыңыз.
Барлық статикалық электр тогын кетіру үшін Mac Pro компьютеріңіздің сыртындағы металды түртіңіз.
Ескертпе: Mac Pro компьютеріңіздің ішіндегі бөліктерді ұстау немесе компоненттерді орнату алдында әрқашан статикалық электр тогын кетіріңіз. Статикалық электр тогын шығаруды болдырмау үшін MPX модульдерін орнатуды аяқтамайынша бөлмеде жүрмеңіз.
Қуат сымын ажыратыңыз.
Корпустың құлпын ысырманы 90 градус сағат тілінің бағытына қарсы бұрау арқылы ашыңыз.
ЕСКЕРТУ: Mac Pro компьютері қосылып тұрғанда ысырманы бұрамаңыз; олай істеу оның өшуіне әкелуі мүмкін.
Корпусты оны ысырма арқылы жоғары тарту арқылы шығарып алыңыз.
Ескертпе: Mac Pro корпусы алынған кезде іске қосылмайды.
Қысқыш пластиналарды (1 және 3 нөмірлі) Phillips #1 бұрағышын пайдаланып алыңыз.
PCI ұстағыш ысырмасын (2-ші нөмірлі) оңға сырғытыңыз.
Бар модульді шығарып алу үшін босату иінтірегін (4-ші нөмірлі) пайдаланыңыз.
Бар модульді шығарып алыңыз.
Қажет болса, ұя қақпақтарын алыңыз.
Жаңа модульде шығару тұтқасын итеріңіз, одан кейін модульді орнына итеріңіз.
PCI ұстағыш ысырмасын (2-ші нөмірлі) солға сырғытыңыз.
Қысқыш пластиналарды (1 және 3 нөмірлі) қайта орнатыңыз.
Infinity Fabric Link қосқышын қолдайтын екі сәйкес MPX модуліңіз болса, берілген көпір тақтасын орнатыңыз (ол модульдің GPU процессорына арналған). Бірінші, қақпақты әрбір модульден шығарып алыңыз. Көпірдің ашылғанын тексеріңіз (көпірдегі нұсқауларды орындаңыз). Көпірді туралаңыз, модульдерге қосу үшін төмен басыңыз және қосылымды бекіту үшін тіркеме бұрандаларын бір ширек айналымға бұраңыз.
Компьютердің корпусын орнына салыңыз, одан кейін ысырманы құлыптау үшін оны 90 градус сағат тілінің бағытымен бұраңыз.
Компьютер корпусы орнына салынбаған және ысырма өзінің бастапқы позициясына бұралмаған жағдайда іске қосылмайды.
Mac Pro компьютеріңізге барлық кабельдер мен қуат сымын қайтадан қосыңыз.