Mac mini компьютерін сервер ретінде пайдалану
Ең танымал сервер мүмкіндіктері—File Server, Time Machine Server және Caching Server—macOS жүйесінің бөлігі болып табылады, сондықтан Mac mini компьютеріңізді сервер ретінде пайдалану оңай. Төмендегі параметрлердің біреуіне немесе бірнешеуіне қатынау үшін System Preferences белгішесін басыңыз, одан кейін Sharing түймесін басыңыз.
File Server: Пайдаланушыларға қалталар мен файлдарды Mac mini компьютерінде сақтауға және бөлісуге мүмкіндік беру үшін File Sharing мүмкіндігін пайдаланады. macOS жүйесінің пайдаланушы нұсқаулығындағы Mac компьютерінде файл бөлісу мүмкіндігін орнату бөлімін қараңыз.
Time Machine Server: Пайдаланушыларға өздерінің Mac компьютерлерін Mac mini компьютеріңізде File Sharing мүмкіндігін пайдаланып сақтық көшірмелеуіне мүмкіндік беру үшін File Sharing мүмкіндігін пайдаланады. macOS жүйесінің пайдаланушы нұсқаулығындағы Ортақ қалтаға Mac компьютеріндегі Time Machine мүмкіндігімен сақтық көшірмелеу бөлімін қараңыз.
Caching Server: Apple таратқан бағдарламалық жасақтама кэштеуін Интернет арқылы қамтамасыз ету үшін Content Caching мүмкіндігін пайдаланады. macOS жүйесінің пайдаланушы нұсқаулығындағы Mac компьютерінде мазмұнды кэштеу теңшелімдерін өзгерту бөлімін қараңыз.