1797 – Perang Révolusi Perancis: Perang laut antara kapal perang Perancis ngalawan dua frigate Inggris di leupas Basisir Brittany, réngsé ku dilelepkeunna kapal Perancis, ngabalukarkeun korban jiwa leuwih ti 900 urang.
1815 – Perang 1812: Pasukan Inggris ngarebut Darmaga Peter di St. Marys, Georgia, hiji-hijina patempuran nu lumangsung di nagara bagéan ieu.
1840 – Kapal uap Lexington kahuruan jeung tilelep opat mil di leupas Basisir Long Island, korban jiwa 139 urang.
1842 – Dr. William Brydon, saurang asistén tukang bedah ti Pasukan India Wétan Inggris wanci Perang Inggris - Afghanistan, jadi kawentar alatan jadi ngan saurang-urangna nu salamet ti 4.500 tentara sarta 12.000 pangiring kémah, nalika harita manéhna nepi ka panyalindungan garnisun di Jalalabad, Afghanistan.
1847 – Pasini Cahuenga ngaréngsékeun Perang Méksiko - Amérika di California.
1888 – National Geographic Society diadegkeun di Washington, D.C.
1895 – Perang Itali - Éthiopia Kahiji: patempuran bubuka, Patempuran Coatit, dimeunangkeun ku Italia.
1908 – Kahuruan Gedong Opera di Boyertown, Pennsylvania nelasan 171 jalma.
1910 – Siaran radio umum munggaran lumangsung; pidangan langsung tina opera Cavlleria Rusticana jeung Pagliacci disiarkeun ngaliwatan galura jomantara ti Gedong Opera Metropolitan New York.
1915 – Lindu 6,7 Mw Avezzano ngendag-ngendag Propinsi L'Aquila di Italia ku inténsitas Mercalli maksimum XI (Ekstrim), nelasan puluhan rébu jalma.
1942 – Henry Ford maténkeun mobil pelastik nu 30% leuwih énténg batan mobil biasa.
1942 – Perang Dunia II: Mimiti dipakéna jok pecleung ku saurang pilot panyoba Jérman dina pasawat jét tempur Heinkel He 280.
1950 – Kapal selam Inggris HMS Truculent tubrukan jeung hiji kapal minyak di Muara Thames, nelasan 64 jalma.
1958 – Tentara Pangbébasan Maroko nyerang patroli Spanyol dina Patempuran Edchera.
1963 – Kudéta di Togo ngabalukarkeun maotna Présidén Sylvanus Olympio.
1964 – Kakacoan Anti-Muslim lumangsung di Kalkuta, ngaalatankeun maotna 100 jalma.
1972 – PM Kofi Abrefa Busia jeung Présidén Edward Akufo-Addo ti Ghana disingkirkeun dina hiji kudéta militer teu badarah ku Kolonél Ignatius Kutu Acheampong.
1982 – Saharita sabada ngapung, pasawat jét Air Florida 90, Boeing 737, nabrak Jalan Jambatan ka-14 di Washington, D.C. sarta murag ka Leuwi Potomac, nelasan 78 jalma, kaasup opat pamaké motor.
1985 – Hiji karéta panumpang tikecemplung ka hiji ranca di Éthiopia, nelasan 428 jalma, minangka panggoréng-goréngna kacilakaan karéta di Afrika.
1986 – Pecéngkadan salila sabulan lumangsung di Adén, Yaman Kidul, antara pangrojong Ali Nasir Muhammad jeung Abdul Fattah Ismail, ngakibatkeun korban jiwa rébuan jalma.
1988 – Lee Teng Hui jadi urang Taiwan pituin nu munggaran ngajabat minangka Présidén Républik China.
1990 – Douglas Wilder jadi urang Amérika Afrika munggaran nu kapilih jadi gupernur, manéhna ngajabat minangka Gupernur Virginia.
1991 – Pasukan Uni Soviét nyerang para pangrojong kamerdékaan Lithuania di Vilnius, nelasan 14 jalma jeung nyideraan 1.000 lianna.
1998 – Alfredo Ormando ngaduruk manéh di Alun-Alun St. Peter, dina raraga protés kana homophobia.
2001 – Lini narajang Él Salvador, nelasan leuwih ti 800 jalma.
2012 – Kapal laut pangjalajah Costa Concordia tilelep di leupas basisir Italia alatan kaléléwodéhan jeung teu tanggung jawabna kaptén kapal Fransesco Schettion. Tilu puluh dua jalma kabéjakeun palastra.
