Karate

« (...) Propriu comu nu specchiu chi rifletti li mmàggini senza distursioni, comu 'n na tranquilla vallata chi rimanna l'ecu, accussì nu studenti dû karate havi a purgari iddu stissu di pinzera eguisti e marvaggi poichì sulamenti cu na menti e na cuscienza chiara e lìmpida (vacanti) iddu poti capiri zoccu sta ricivennu ... la forma funnamintali di l'universu è vacanti (kara) e quinni lu vacantu è macari una forma (...) »

(Gichin Funakoshi)

Lu Karate è un'arti marziali giappunisa chi trai urìggini di l'unioni di dui arti marziali: lu Te d'Okinawa e lu Kenpō cinisi e prividi la difisa a manu nudi, senza l'ausiliu d'armi.

Sibbeni sia natu comu arti marziali chi nzigna lu cummattimentu (ma senza pirdiri di vista lu mpegnu custanti di ricerca dû propriu equilibbriu), cu lu tempu lu Karate s'havi tramutatu, pi l'omu, 'n un nzignamentu a cummàttiri pi nun aviri a cummàttiri, a divintari forti mudillannu lu caràttiri, guadagnannu 'n cunzapivulizza, acquistannu lu gustu dâ vita, la capacitati di surrìdiri e chidda di travagghiari cu ditirminazzioni e ntô rispettu di l'àutri. Sulu quannu stu nzignamentu veni caputu cumpretamenti - sustèninu li soi stimatura - l'omu sapi d'èssiri lìbbiru.

Etimuluggìa

Etimuloggicamenti Kara si cumponi di: nu scavu, nu spazziu prudottu d'un certu travagghiu finu, àbbili, nu spazziu vacanti; la mmàggini dû vacanti. Te è la rapprisintazzioni di na manu vista dû mezzu prufilu, ma è macari lu funema d'attività, mittìrisi a l'òpira.

La parola giappunisa Kara-te 'n difinitiva si cumponi di "vacanti" e "manu", ma lu vacanti nun è 'n iddu, è 'n rilazzioni a un travagghiu, a n'attivitati, mittìrisi a l'òpira pi uttèniri, fari lu vacanti. Secunnu stu cuncettu lu praticanti havi a allinari la propria menti affinchì sia vacanti di pinzera d'urgogghiu, vanità, paura, disideriu di supraffazzioni.

Storicamenti a Okinawa era 'n usu l'accizzioni Karate, ma cchiù spessu si chiamava te o bushi no te, zoè manu dû guirreru. Kara simmulizza quinni lu fattu ca sta forma d'autudifisa nun fa usu d'armi; ma, 'n effetti, cù pràtica lu Karate avissi a aspirari a svacantari lu cori e la menti di tuttu zoccu chi l'attènibbra, nun sulu ntô Karate, ma macari ntâ vita: lu tèrmini zen ku ìnnica lu vacanti di l'arma e pò èssiri prununzatu macari "kara".
Nagashige Hanagusuku, mastru d'Okinawa, usò lu caràttiri giappunisi pi "manu vacanti" nta l'austu dû 1905.

L'urìggini

Lu Karate è na disciplina antichìssima e trai la sò urìggini d'un tipu di lotta praticata ntê scoli Ryu Kyu. È appuntu di una di chisti, Okinawa, chi ni jùnciunu 600 anni di storia ducumintata supra st'arti. Dû pirìudu pricidenti, nun esìistunu tistimunianzi scritti e, pi tali mutivu, vìnniru elabburati tiurìi, quasi liggenni, chi cullìganu l'arti marziali â riliggiuni.

La tradizzioni voli chi li mònaci buddisti praticàssiru un tipu di l'allinamentu fìsicu chi cunzintissi di suppurtari longhi pirìudi di miditazzioni e mmubbilitati, e chi avissi finalitati marziali, vistu chi spissu èranu vìttimi d'arrubbarìi e d'aggrissioni. Di cunzidirari noltri chi, duranti un certu pirìudu, ntâ scola d'Okinawa avissi statu vietatu l'usu di l'armi.

Quinni na disciplina tramannata 'n sigretu e canusciuta di nu ditirminatu circhiu di praticanti. A partiri dû XIV sèculu li nutizzi supra la pràtica e lu sviluppu dû karate sunnu storicamenti tistimuniati. Nta ddu pirìudu ci fu un ciuriri di rapporti cummirciali e diplumàtici ntra Cina e Okinawa cu cunziquenti scanci culturali ntra li dui Paisi. Lu Te, lotta a manu nudi chi viniva praticata ntê scoli Ryu Kyu, canuscìu prufunni canciamenti quannu vinni a cuntattu cu lu kempo cinisi. Assai nviati dô mpiraturi cinisi èranu militari di rangu àutu e studiusi dû kempo chi cu li dimustrazzioni nfruinzaru li pari gradu dâ scola d'Okinawa.

Dâ fini dâ Secunna guerra munniali, lu Karate è divinutu pupulari 'n Corea Miridiunali sutta lu nomi tangsudo o kongsudo.

Culligamenti esterni

FIAM - Fidirazzioni Italiana Arti Marziali
FIKTA Fidirazzioni Italiana Karate Tradizziunali e disciplini Affini
FIJLKAM (Fidirazzioni Italiana Judo, Karate e Arti Marziali)
Fidirazzioni Italiana Karate e Disciplini Affini
Karate tradizziunali stili Shotokan
Karate tradizziunali stili Shotokai
A.S.D. Tigers Combat Karate (Karate tradizziunali stili Shotokan)
FESIK - Fidirazzioni Educativa Spurtiva Italiana Karate
Karate tradizziunali stili Goju-ryu
Fe.I.Ka Fidirazzioni Italiana Karate
Fidirazzioni Italiana Arti Marziali Orientali e Disciplini assiuciate
KarateRec.com - Karate Results and Charts WKF (česky, english, français, türkçe)
Latvian Karate Federation