Trebisu

Fatzada de sa seu, Treviso

Posidura in sa provìntzia

Trebisu est una comuna italiana de 82.125 abitadores, cabitale de sa provìntzia bèneta numenale.

Geografia

Sa bidda est ubigada in su paris bènetu mèdiu, in una zona rica in siendas ìdrigas: sunt numerosas sas benas funtanales, naradas logarmente “fontanassi”. In intro de su matessi territòriu comunale, naschent numerosos rios de funtanale, chi su prus importante est su Botteniga. Custu ùrtimu, a pustis de retzire sas abas de Pegorile e Piavesella, subracolat sos muros de inghiriadura a s'artària de su Ponte di Pria e si partzit a pustis in sos diferentes arrampos, narados “cagnani” (Cagnan Grando, Buranelli, Roggia, ecc.), chi caraterizant meda s'arrodu istòrigu. In onzi manera, sa camba de aba printzipale est su Sile, chi a pustis de afrinare sa cresura murària meriesa retzit sas abas de sos “cagnani” de su Botteniga. Àteros rios de sinnìfigu, totus afruentes de su Sile, sunt su Storga, su Limbraga (dae manu manca) e su Dosson (dae manu dereta).

Sa bidda s'imbarat a unu terrinu cumpostu dae materiales finos e limosu-arenosos. Sa distribuidura de sos diferentes livellos istratigràfigos est meda irregulare pro neghe de sos afajos e sas bariaduras de cursu retzidas dae sos rios in tempus de s'ùrtima era zeolòziga.

S'artitùdine mìnima est de 6 m. in subra de su livellu de su mare e si constatat in s'istremidade suddu-orientale de su territòriu comunale, in sa logalidade de Santo Antonino; pro contra, su puntu prus elevadu, 31 m. s.l.m.., currespondet a s'istremidade nordu-otzidentale, a probe de Santa Bona. Sa domo comunale, Ca' Sugana, s'agatat intames a 15 m. s.l.m.

Pro su chi pertocat s'arriscu sìsmigu, Trebisu est incrùdidu in sa zona 3, sa de sismidade bassa.