Scots

Articulu in nugoresu

Dialettos de sa limba scots.

Su scots est una limba germanica otzidentale anglo-frisona chi si chistiònat in Iscòtzia, in s'Ulster e su trettu lacanàrju de sa Repubrica de Irlanda (in ube si connòschet chin su lùmen de Ulster Scots), simizante a s'inglesu ma meda a divèrsu dae su gaelicu iscotzesu. Si li nàt puru Lowland Scots pro lu contrappònner a su gaelicu, ca su gaelicu si favèddat in sas Highlands.

In s'allega vulgare si mùttit simpremènte iscotzesu, mancàri chi siat menzus a impreàre su faveddu de limba scots pro non che lu pònner a pare chin su gaelicu. Mancàri chi siat belle su matèssi de s'inglesu, tantu chi sos duos idiomas si pòden cumprènder a pare chene troppu problemas, su scots est tèntu in cussìderu che limba a banda.

S'iscotzesu tènet radìchina in sa limba germanica de sos anglos chi istàban a nord de su rìbu Humber, chin carchi influentzia benìnde dae s'inglesu modernu.