Ырыынак

Ырыынак диэн эргиэн буолар эйгэтин өйдөбүлэ. Ырыынакка маллары уонна өҥөлөрү атыылыыллар, атыылаhаллар уонна атастаhаллар. Ырыынак атыылаhааччы уонна атыылааччы сыhыаннарыттан турар. Ырыынактар кээмэйдэринэн, баар сирдэринэн, малларын уонна өҥөлөрүн көрүҥнэринэн арахсаллар.

Экономика дьорҕоһуутугар (конкуренциятыгар) бииртэн элбэх атыыһыт уонна атыылаһааччы баар буолуохтаах. Биир атыылааччы уонна элбэх атыылаһааччы баар буоллаҕына монополия туруга буолар. Онтон элбэх атыылааччы уонна биир атыылаһааччы баар буоллаҕына монопсония туруга буолар. Монополия уонна монопсония баар буоллахтарына ырыынак дьайыыта сүтэр.