Швейцарськый франк

Швейцарськый франк
Schweizer Franken (по німецькы) franc suisse (по французькы) franco svizzero (по таліянськы) franc svizzer (по романшськы)
Банкноты Монеты
код ISO 4217	CHF
Централный банк	Націоналный банк Швейцарії
Веб-страниця	www.snb.ch
Хоснуют	Швейцарія Ліхтенштейн Кампіоне д’Італія Бюзінґен-ам-Гохрайн (де факто)
Інфляція	0,4% (2019)
Нора	Statistik Schweiz
Діленя
1/100	рапен
Сімвол	CHF, давно Fr. ци SFr.
Монеты	5, 10 и 20 рапенув, ½, 1, 2 и 5 франкув
Банковкы	10, 20, 50, 100, 200 и 1000 франкув
Монетный двур	Swissmint
Веб-страниця	www.swissmint.ch

Швейцарськый франк (нїм. Franken, фр. franc, іт. franco, ром. franc) — валюта Швейцарії, Ліхтенштейну (поз. Ліхтенштейнськый франк) и Кампіоне д’Італія, таліянського ексклава вдну Швейцарії. Швейцарськый франк ся ділит на 100 рапенув (нїм. Rappen, фр. centime, іт. centesimo, ром. rap). Код валюты в ISO — CHF, де CH означат Confoederatio Helvetica, имня Швейцарії по латинськы.

Історія

Перьва провба твореня швейцарського франка ся стала в 1798. році в наполеонувськуй Гелветськуй республіці. Сесь франк ся перестав хосновати по концёви республікы в 1803. році, айбо став моделёв про валюты дакотрых кантонув, котрі назад утворили Швейцарськый Союз.

Пак Швейцарія впят не мала єдної валюты. Хосновало ся дас 8 тысяч вшелиякых банкнот и монет, бо каждый кантон муг мати свою валюту. Айбо вже в 1848. році по Зондербундськуй войні была прията нова констітуція, позад якої робити гроші в Швейцарії мож было лиш федералному урядови, котрый пак увюг швейцарськый франк 7. мая 1850. року.

У 1865. році Швейцарія вєдно з Белґіёв, Італіёв и Франціёв прирувняла свою валюту до 4,5 ґ срібра ци 0,290322 ґ золота. Швейцарія ся опстала на тому стандарті до 1936, коли вна мусіла вчинити девалвацію позад Великої Депресії. У 1945. році Швейцарія зайшла до Бретон-Вудської сістемы и прикапчала франк ид америцькому доларови (1 USD = 4.30521 CHF). Пак через чотыри рокы курс измінили на 1 USD = 4.375 CHF.

Швейцарськый франк ся все держав за тверду валюту иззад малої інфляції и законно реґулованого уровня золотовалютных резервув (маймало 40%). По референдумови в 2000 році франк перестав быти прикапчаный ид золотови, айбо золотовалютні резервы Швейцарії ся обстали на уровню 20% ай по проґрамі продаваня золота.

Монеты

Монеты Гелветської республікы

Головна статя: Монеты Гелветської республікы

Монеты Гелветської республікы ся робили в Берні, Базелі и Золотурні. Єден франк Гелветської республікы ся ділив на 100 батценув, а єден батцен — на 100 рапенув. Білонні монеты в 1 рапен, пувбатцена и батцен ся робили з 1798 до 1803 року. Робили ся ай сріберні монеты в 5, 10, 20 и 40 батценув. Золоті 16- и 32-франкові монеты ся робили в 1800 році.

Монеты Швейцарської Конфедерації

Головна статя: Монеты Швейцарії

Швейцарські монеты роблять на монетному дворови Swissmint. Ныні ся там роблят сякі монеты:

Образ	Номінал	Метал	Діаметер (мм)	Товщина (мм)	Вага (ґ)	Кант	Аверс
	5 рапенув	92% Cu, 6% Al, 2% Ni	17,15	1,25	1,8	Гладкый	Голова Лібертас
	10 рапенув	75% Cu, 25% Ni	19,15	1,45	3	Гладкый	Голова Лібертас
	20 рапенув	75% Cu, 25% Ni	21,05	1,65	4	Гладкый	Голова Лібертас
	50 рапенув	75% Cu, 25% Ni	18,20	1,25	2,2	Зубковатый	Стояча Гелвеція
	1 франк	75% Cu, 25% Ni	23,20	1,55	4,4	Зубковатый	Стояча Гелвеція
	2 франкы	75% Cu, 25% Ni	27,40	2,15	8,8	Зубковатый	Стояча Гелвеція
	5 франкув	75% Cu, 25% Ni	31,45	2,35	13,2	Напис	Алпійськый пастырь

Ушыткі швейцарські монеты суть языково нейтралні — на них ся стрічают лем цифры, куртаня Fr. и латинські фразы «Helvetia» ци «Confœderatio Helvetica». На монетах цінов уд пувфранка є ай авторово имня.

Банкноты

Головна статя: Банкноты Швейцарії

Інформація ся дає чотырьма языками на вшыткых банкнотах. На банкнотах з німецькоязычныма особами на аверсі пише по німецькы и по романшськы, а на банкнотах з франко- ци таліянськоязычныма пише по французькы и по таліянськы. На реверсі пише другыма двома языками.

Конкурз на теперішню, девяту серію банкнот из темов Швейцарія удперта світови ся зачав у фебруарі 2005. Націоналный банк выбрав проект дізайнеркы Мануелы Пфрундер. Нові банкноты ся появили в період уд 2016. до 2019. рока. Пережа, восьма серія ся щи раз обстає в обігу.

Номінал	10 франкув	20 франкув	50 франкув	100 франкув	200 франкув	1000 франкув
Дата выданя	18.10.2017	17.5.2017	12.4.2016	12.9.2019	15.8.2018	5.3.2019
Аверс
Реверс

Банкноты восьмої серії

Образ		Номінал	Розмір	Основна фарба	На аверсі	На реверсі	Дата выданя
Аверс	Реверс
		10 франкув	126 × 74 мм	Жовта	Ле Корбюзьє	План урядового квартала індійського города Чандіґар	8. апріля 1997
		20 франкув	137 × 74 мм	Червена	Артюр Онеґер	Pacific 231	1. октовбра 1996
		50 франкув	148 × 74 мм	Зелена	Зофі Тойбер-Арп	Tête Dada, 1920	3. октовбра 1995
		100 франкув	159 × 74 мм	Синя	Алберто Джакометті	Идучый чоловік I	1. октовбра 1998
		200 франкув	170 × 74 мм	Барнаста	Шарль-Фердінан Рамю	Озеро Дерборанс/Гора Дъяблере	1. октовбра 1997
		1000 франкув	181 × 74 мм	Фіалова	Якоб Буркгарт	Палаццо Строцці, Флоренція (фраґмент фасада)	1. апріля 1998

Обіг

У октовбрі 2012. року повна ціна выданых монет и банкнот была 59,2 млрд. швейцарськых франкув.

Ціна выданых швейцарськых монет и банкнот, млн. франкув (октовбер 2012.)
10 фр.	20 фр.	50 фр.	100 фр.	200 фр.	500 фр.	1000 фр.	Ушытко	Монетами
699,4	1 565,7	2 278,7	9 696,0	7 864,8	115,9	34 131,7	56 352,0	2 861,9

Одказы

• Heiko Otto, ред.. Швейцарськый франк (по de,en,fr). http://www.bis-ans-ende-der-welt.net/Schweiz-B.htm. [перевірено 2019-05-05].  (нїм.) (анґл.) (фран.)

Референції

Тоты даны суть часточно або цалком основаны на перекладах статей Swiss franc на анґліцькій Вікіпедії a Schweizer Franken на нїмецькій Вікіпедії.