Диаспора

Емигранты лишають старый край (Рытовина: Henry Doyle, 1868)

Диа́спора, дгр. διασπορά росс­ѣя­ня, од διασπείρω dia speiro россѣйовати — члены етничной або набоженской групы котры походять з того истого мѣста, але россѣяли ся по розличных мѣстах.

Зачаточно понятя диаспора хосновало ся дотычно россѣяня старовѣкых Грекох при колонизации Середоморя и одхода Жидох з Палестины по спустошѣню Йерузалема.

Еволуция понятя

До конця 1950х в социалных науках тото понятя фигуровало лем незначно. Од 1960х учены зачали го хосновати ку емигрантам з Африкы, а в наступных децениях оно ся еще дале росширило. Од конця 1980х вывинуло ся широке трактованя и хоснованя того понятя ай во множинѣ: диаспоры — етничны меншины за границями основных етничных територий, включаючи тоты, што в значной мѣрѣ ся асимиловали, примусово або доброволно.

Знакы диаспоры

Векшина социологох згоджують ся, же диаспоры ся характеризують трьома повинныма знаками:

1. россѣяня з хотьякой причины за основныма етничныма границями;
2. удержаня по добу даколькох генераций етнокултурной идентичности, одличной од идентичности векшинового приимаючого обывательства;
3. особе одношѣня ку реалному або представляному старому краю, на котрый ся ориентують емоцийно або политично члены диаспоры.

Жерела и одказы

• Космарская Н. П. ДИАСПОРА // Большая российская энциклопедия. Том 8. Москва, 2007, стр. 718. Доступне онлайн
• Diaspora, social science (по англицкы). Encyclopaedia Britannica. https://www.britannica.com/topic/diaspora-social-science. [перевірено 2019-12-28].