کیچ می اِف یو کین

کیچ می اِف یو کین
فائل:Catch Me If You Can 2002 movie.jpg فلم دا پوسٹر
ہدایتکار	سٹیون سپیلبرگ
بنان آلے	سٹیون سپیلبرگ والٹر ایف پارکس
اسکرپٹ	جیف نیتھنسن
بنیاد	[فرینک ایبگنیل]] اتے سٹین ریڈنگ دی رچنا  کیچ می اِف یو کین
ستارے	لیوناردو دیکیپریؤ ٹوم ہینکس
میوزک	جون ولیئمس
عکسبندی	جینز کامنسکی
ادارت	مائیکل کھان
محصولی ادارہ	ایمبلن اینٹرٹینمینٹ پارکس/میکڈونلڈ پروڈکشنز
ونڈن آلے	ڈریمورکز پکچرز
تاریخ نمائش	۲۵ دسمبر ۲۰۰۲ء (۲۰۰۲ء-12-۲۵)
ویلہ	141 منٹ
دیس	امریکہ
بولی	انگریزی
لاگت	$52 ملیان
باکس آفس	$352.1 ملیان

کیچ می اِف یو کین 2002 وچ بنی اک امریکی جیونی-مشتمل جرم فلم اے جسدا پروڈیؤسر سٹیون سپیلبرگ اے اتے سکرینپلے جیف نیتھنسن ولوں لکھی گئی اے۔ ایہہ فلم فرینک ایبگنیل دے جیون اپر مشتمل اے، جسنے اپنے 19ویں جم دن توں پہلاں ہی کئی ملیان ڈالراں دے برابر دی ٹھگی مار لئی سی جس وچ پین امیریکن ورلڈ ایئرویز دا جعلی پائلٹ تک بن گیا سی۔ اس توں علاوہ اوہ جعلی جورجیا ڈاکٹر اتے لوئیزیانا پیرش دا وکیل وی بن گیا سی۔ اسدا سبھ توں مکھ جرم جعلی چیک بناؤنا سی جس وچ اوہ انا تجربیکار ہو گیا سی کہ ایف۔بی۔آئی۔ نے اسدی مدد ہور جعلی چیکّ بناؤن والے لوکاں نوں پھڑھن وچ لینی شروع کر دتی سی۔ اس فلم وچ مکھ کردار لیوناردو دیکیپریؤ اتے ٹوم ہینکس نے نبھائے ہن اتے معاون اداکاراں وچ کرسٹوفر والکن، مارٹن شین اتے نتالی بائے شامل ہن۔

اس فلم دا کم 1980 وچ شروع ہویا پر 1997 تک اسنوں بوہتی ڈیولپمنٹ نہیں مل سکی، جدوں ایبگنیل دی کتاب نوں سپیلبرگ دی کمپنی ڈریمورکز نے خریدیا۔ ڈیوڈ فنچر، گورے وربنسکی، لیسے ہالسٹورم، ملوس فورمین اتے کیمرون کروو، ایہہ سارے اس فلم دے ڈریکشن لئی ممکن فلمکار سن پر سپیلبرگ نے ایہہ فلم آپ بناؤن دا فیصلہ لیا۔ اس فلم دی شوٹنگ مئی 2002 وچ شروع کیتی گئی۔ ایہہ فلم معاشی اتے تنقیدی طور تے کامیاب ثابت ہوئی اتے اسدی آلوچکاں اتے خود ایبگنیل ولوں تعریف کیتی گئی۔

کہانی

1963 وچ، نوجوان فرینک ایبگنیل جسدی عمر 19 سالاں توں وی گھٹ اے، نیو روشیل، نیویارک وچ اپنے پیؤ فرینک ایبگنیل سینئر اتے فرانسیسی ماں پولا نال رہندا سی۔ جدوں فرینک سینئر نوں چیز مینہیٹن بینک نے اسنوں اک کاروباری لون دین توں انکار کر دتا کیونکہ بینک نوں انٹرنل ریوینیو سسٹم نال کئی انجان مشکلاں دا ساہمنا کرنا پے رہا سی۔ اس کارن ایبگنیل پروار نوں اپنے وڈے گھر نوں چھڈّ کے اک چھوٹے جاے اپارٹمینٹ وچ جانا پیا۔ پولا دا اسدے پتی دے اک دوست نال افیئر سی۔ اس ویلے دوران، فرینک اپنی فرینچ جماعت وچ بدلویں استاد دے طور تے پڑاؤن لگا۔ فرینک دے ماں-پیو طلاق لئی کیس تیار کرن لگے، جس کارن فرینک گھروں بھجّ گیا۔ جدوں اس کول پیسے ختم ہو گئے تاں اوہ اپنیاں ہشیاری بھریاں تکنیکاں نال لوکاں نوں دھوکھا دین لگ گیا۔ چھیتی ہی اسدیاں ٹھگیاں بہت ودھ گئیاں اتے اوہ اک قومانتری ہوائی جہاز دا جائلی پائلٹ تک بن گیا۔ اسنے پین ایم دے جائلی چیکّ تک بنا لئے اتے 2.8 ملیان ڈالر تک دی رقم چوری کرن وچ کامیاب ہو گیا۔

اسے ویلے دوران، کارل ہینراٹی، جہڑا کہ ایف۔بی۔آئی۔ دا اک ایجنٹ اے جہڑا جائلی چیکّ بناؤن والیاں نوں فڑھدا اے، نے فرینک دا پچھا کرنا شروع کر دتا۔ کارل اتے فرینک اک ہوٹل وچ ملدے ہن، جتھے فرینک کارل نوں یعقین دواؤن وچ کامیاب ہو جاندا اے کہ اوہ سیکریٹ سروس دا ایجنٹ بیری ایلن اے، اتے اوہ وی اسے دھوکھے باز دے پچھے پیا اے۔ کارل نوں اک وار تاں یقین ہو جاندا اے پر اچانک اسنوں پتہ لگدا اے کہ اسنوں بدھو بنایا جا رہا اے۔ پچھوں، کرسمس تے، کارل کم کر رہا سی جدوں فرینک نے اسنوں فون کیتا اتے اسنوں بدھو بناؤن لئی معافی منگی۔ کارل نے اسدی معافی قبول کرن توں انکار کر دتا اتے اسنوں کہن لگا کہ اوہ چھیتی ہی پھڑھیا جاویگا پر اوہ ادوں ہسن لگا جدوں اسنوں پتہ لگیا کہ فرینک کول گل کرن لئی ہور کوئی انسان نہیں سی۔ فرینک فون کٹّ دندا اے اتے کارل اس مصلے دی ہور پڑتال کردا اے اتے اچانک اسنوں اک ویٹر توں پتہ لگدا اے کہ بیری ایلن فلیش کومکس دا اک پاتر اے اتے فرینک تاں اجے اک نابالغ نوجوان اے۔

اس دوران فرینک نے اپنیاں دھوکھادھڑیاں ہور ودھا دتیاں جس وچ اوہ اک جائلی وکیل اتے ڈاکٹر تک بن گیا۔ جدوں اوہ ڈاکٹر فرینک کونرس دے کردار وچ سی تاں اسنوں ہسپتال وچ کم کردی اک کڑی برینڈا نال پیار ہو گیا۔ اسنے ویاہ لئی اسدے پیؤ توں اجازت وی منگی اتے اپنے بارے سبھ کجھ دسّ دتا پر برینڈا دا پیؤ اسدی گل نوں سمجھ نہ سکیا۔ فرینک نے اسدے پیؤ توں لوئیشانا راج دے وکیل بنن لئی ضروری امتحان بارے پچھیا اتے اسدے پیؤ نال اوہ دفتر وچ کم کرن لگ پیا۔ اس دوران کارل نے اسنوں لبھّ لیا جدوں اسدی سگائی دی پارٹی چل رہی سی جس کرکے فرینک نوں سگائی وچالے ہی چھڈّ کے بھجنا پیا۔ فرینک نے برینڈا توں جان لگیا کیہا کہ اوہ اسنوں میامی دے ایئرپورٹ تے ملے جتھوں اوہ دوویں بھجّ سکن۔ برینڈا ہوائی اڈے تے آ گئی سی پر اوہ اپنے نال کارل اتے اسدے ایجنٹاں نوں وی لے آئی سی۔ ایہہ پتہ لگن تے کارل چالاکی نال اک جہاز وچ سوار ہو کے یوروپ بھجّ گیا۔

ستّ مہینیاں پچھوں، کارل اپنے مکھی نوں دسدا اے کہ فرینک سارے مغربی یوروپ وچ جائلی چیکّ بنا کے بیکاں نوں دھوکھا دے رہا اتے یوروپ اسدے پچھے جان لئی اسدی اجازت منگدا اے۔ اسدے مکھی نے اسنوں اجازت نہیں دتی تاں اوہ فرینک دے بنائے چیکّ لے کے پرٹنگ ماہراں دی صلاحَ لین لئی گیا جتھے اسنوں پتہ لگدا اے کہ ایہہ چیکّ فرانس وچ بنائے جا راے ہن۔ جدوں کارل نے اسدی ماں توں پچھگچھّ کیتی سی تاں اسنوں یاد آیا کہ کارل مونٹریشارڈ، فرانس وچ پیدا ہویا سی۔ کارل اسدے پچھے جاندا اے اتے فرینک نوں لبھّ لیندا اے۔ کارل اسنوں دسدا اے کہ جے اوہ اس نال نہ تریا تاں فرینچ پولیس اسنوں مار دیویگی۔ فرینک نوں لگیا کہ کارل مذاق کر رہا اے پر کارل نے فرینک نوں بھروسہ دوایا کہ اوہ جھوٹھ نہیں بول رہا اے۔ کارل اسنوں گرفتار کرکے باہر نکلدا اے تاں اکدم فرینچ پولیس موقعے تے پہنچ کے اسنوں اپنے نال لے جاندی اے۔

اس سین توں بعد کارل اسنوں جہاز وچ بٹھا کے اپنے نال لجا رہا ہندا اے۔ اس دوران جدوں کارل توں اسنوں پتہ لگدا اے اسدے پیؤ دی موت ہو چکی اے تاں دکھی ہویا فرینک ہوائی جہاز وچوں بھجّ جاندا اے اتے بھجّ کے اپنے پرانے گھر ول جاندا اے۔ اتھے جا کے اسنوں پتہ لگدا اے اسدی ماں اسدے پیؤ دے دوست نال ویاہ کرکے اسدے نال رہِ اے اتے اوہناں دے اک کڑی وی اے۔ اس پچھوں فرینک ہار منّ لیندا اے اتے اسنوں امریکی سرکار ولوں 12 سالاں دی قید دا حکم ملدا اے۔ جیل وچ سمے-ویلے تے اسنوں کارل ملن لئی آؤندا اے۔ اک ملاقات دوران جدوں کارل نوں فرینک توں پتہ لگدا اے کہ اس کول جہڑا چیکّ اے اوہ جائلی اے اتے فرینک اسدیاں باریکیاں وی دسّ دندا اے تاں کارل اس توں بہت متاثر ہندا اے۔ اس دوران کارل ایف۔بی۔آئی۔ نوں منا لیندا اے کہ ہور جائلی چیکاں بناؤن والیاں نوں فرینک دی مدد نال پھڑیا جا سکدا اے۔ کارل فرینک نوں دسدا اے کہ اوہ جیل دا اپنا باقی سماں ایف۔بی۔آئی۔ دی بینک فراڈ شاخا نال کم کرکے بتا سکدا اے اتے فرینک اسدی ایہہ گل منّ لیندا اے۔ ایف۔بی۔آئی۔ وچ کم کردیاں فرینک مڑ توں جائلی پائلٹ بن کے بھجن دی کوشش کردا اے تاں کارل اسنوں این موقعے تے آ کے سمجھاؤندا اے۔ پھر کارل اسنوں سمجھاؤندا اے کہ کوئی اسدا پچھا نہیں کر رہا اتے اسنوں گھم-پھرم کے مڑ ایف۔بی۔آئی۔ دی شاخا وچ آؤنا چاہیدا اے۔ اگلے سوموار نوں کارل نوں چنتا اے کہ فرینک اجے واپس نہیں آیا پر اچانک تھوڑھی دیری نال فرینک مڑ آؤندا اے اتے اوہ اپنے اگلے کیس دی پڑتال کردے ہن۔

فلم دے انت وچ دتے گئے کریڈٹاں توں پتہ چلدا اے کہ فرینک 26 سالاں توں ویاہ کرکے اپنی زندگی آرام نال کٹّ رہا اے اتے اسدے تن پتر وی ہن۔ فرینک اتے کارل اجے وی گوڑھے متر ہن اتے اوہناں نے مل کے دنیا دے بہت سارے وڈے دھوکھیبازاں نوں پھڑیا اے۔ اس توں علاوہ اوہ بینکاں نال کم کرکے بہت ہی ودھیا قسم دے چیکّ بنا کے کروڑاں روپئے کما چکا اے۔

پاتر

فائل:08catchme.jpg

لیوناردو دیکیپریؤ اتے اصلی فرینک ایبگنیل۔

• لیوناردو دیکیپریؤ، فرینک ایبگنیل جونیئر دے کردار وچ۔
• ٹوم ہینکس، کارل ہینراٹی، اک ایف۔بی۔آئی۔ ایجنٹ۔
• کرسٹوفر والکن، فرینک ایبگنیل سینئر اتے فرینک ایبگنیل جونیئر دا پیؤ۔
• نتھالی بائے، پولا ایبگنیل اتے فرینک دی ماں۔
• ایمی ایڈمس، بریڈاں سٹرونگ دے کردار وچ۔
• مارٹن شین، روجر سٹرونگ اتے برینڈا دا پیؤ۔
• جیمس برولن، جیک بارنس۔
• نیننی لینیہن، کیرول سٹرونگ، برینڈا دی ماں اتے روجر دی بیوی۔

برائن ہووے، فرینک جون ہیوس اتے کرس ایلس نے ایف۔بی۔آئی۔ ایجنٹاں دی کردار نبھایا اے۔ جینیفر گارنر نے اک طوائف دی کردار نبھایا اے۔ ایلن پونپیو، ایلیبیتھ بینکس، اتے کیٹلن ڈبلڈے نے معاون کرداراں نبھائیاں ہن۔ اصلی فرینک ایبگنیل اک فرینچ پولیس افسر دے کردار وچ اک چھوٹا جیہا رول کردا نظر آیا جہڑا اپنے پاتر نوں گرفتار کر رہا اے۔

حوالے