Silene vulgaris
 |
Vos an lenga piemontèisa |
| Për amprende a dovré 'l sistema dle parlà locaj ch'a varda sì. |
 Ij cojèt, scrussèt: Silene vulgaris[modìfica | modifiché la sorgiss]La pianta a peul rivé a 50-60 cm d'autëssa, con un càuss drit, sùtil. Le feuje, verd-sënner, a son un-a contra l'àutra, ovaj, scasi sensa pìcol. Le fior, bianche, a son an sla sima dij càuss. Ambient[modìfica | modifiché la sorgiss]As treuva soens, ant ij pra e ant ij teren arportà. Proprietà[modìfica | modifiché la sorgiss]A l'é nen dovrà an erboristerìa, ma a l'é bon-a an cusin-a. Cusin-a[modìfica | modifiché la sorgiss]A la prima, a venta cheuje le ponte për na longheur ëd 5/6 cm, feje beuje për chèich minuta ant l'eva e peui feje andé con j'euv e con àutre pitanse, com jë spinass. As peul ëdcò fesse dij bon risòt, frità e mnestre dë stagion. Ch'as fasa atension a cheuje le ponte prima ch'a ven-o dure. Quand che as fa ël risòt, as peul dovré l'eva andova a l'é fasse beuje ël cojòt: ël ris a sarà pì bon. Se as veul dovresse ël cojòt com vërdura cheujta, ch'as condissa con un fil d'euli, pòca sal e gnente asil, për nen stërmé ël savor. Le ponte, fërtà, a scrusso: për cost motiv, ël cojòt a l'é ciamà da cheidun "scrussèt". La pianta a arbuta an continuassion, a venta nen avèj por ëd pijé le ponte. Na vira trovà ël pòst dij cojòt, a venta mach fé atension a nen gaveje, peui un a l'avrà vërdura frësca an continuassion. Arferiment bibliogràfich për chi a veul fé dj'arserche pì ancreuse[modìfica | modifiché la sorgiss]Silene vulgaris (Moen.) Garche |
