Namibia

	Vos an lenga piemontèisa
	Për amprende a dovré 'l sistema dle parlà locaj ch'a varda sì.

La Namibia a l'é un pais dl'Àfrica meridional. A confin-a con Sudàfrica, Botswana, Angòla e Zambia e a l'é bagnà da l'Océan Atlàntich. La capital a l'é Windhoek. A l'ha na surfassa ëd 824.292 km² e a conta anviron 2 milion d'abitant. Anté ch'as treuva Stòria moderna Le tère sùite dla Namibia a son ëstàite abità a parte daj temp pì vej dla Gent dël Boscon, dij Damara e dij Namaqua. A parte dal sécol ch'a fa XIV a l'é anandiasse n'imigrassion ëd Bantu, aj temp dlë slarghesse dij Bantu. Sta region a l'é nen ch'a sia stàita motobin esplorà da j'europengh anans dël sécol ch'a fa XIX, quand che la tèra a l'é passaje a la Gërmania col nòm d'Àfrica Tedësca dël Sud-Òvest (Deutsch-Südwestafrika), gavà mach la Baja 'd Walvis, ch'a restava sota contròl britànich. La colònia a l'é stàita ocupà dal Sudàfrica dij temp dla Prima guèra mondial e aministrà an mandà dla Società dle Nassion fin a la fin dla Sconda guèra mondial, quand che a l'é peui anetuss-la sensa gnun arconossiment antërnassional. Dël 1966 l'Organisassion Popolar dl'Àfrica dël Sud-Òvest (SWAPO) a l'ha anandià na guerija col but dë rivé a l'andipendensa, ma a l'é mach dël 1988 che 'l Sud Àfrica a l'ha peui decidù dë finì soa aministrassion dla Namibia, conforma a 'n pian ëd passificassion dla region prontà da le Nassion Unìe. L'andipendensa a l'é rivà dël 1990 e la Baja 'd Walvis a l'é stàita unìa a la Namibia dël 1994. Lenghe Dapress a l'andipendensa (1990), l'ùnica lenga ofissial a l'é l'anglèis. Anans ëd l'andipendensa a-i ero l'afrikaans e l'alman. Comsëssìa, la prima lenga dël 50% dla popolassion a l'é l'Oshiwambo; la sconda lenga a l'é l'afrikaans. Ël 32% dla popolassion europenga a parla l'alman, dëmentrè che l'anglèis a lo parla mach ël 7%. Organisassion polìtica La Namibia (nòm ofissial: Republic of Namibia) a l'é na repùblica. Ël president a l'é Nangolo Mbumba (dal 2024). Ël prim ministr a l'é Saara Kuugongelwa-Amadhila (dal 2015). Arferiment

Aiuto per la lettura Ayuda para la lectura Help for Reading Rintré ant la Piòla Contaté j'Aministrator Lìber për Amprende Coression ortogràfica Tastadura piemontèisa Portaj e Proget Agiut pr'ij Contributor Travajòt sempi