Islam

	Vos an lenga piemontèisa
	Për amprende a dovré 'l sistema dle parlà locaj ch'a varda sì.

L'Islam (an àrab: لإسلام) a l'é na religion monoteìstica basà an sël lìber dël Coran.La religion a l'é stàita fondà an Arabia e ij chërdent a son ciamà mussulman. Ij mussulman a chërdo ch'a-i sia mach un Dé, che a l'é ciamà Allah (لله‎, al-lah) an àrab.

Ij mussulman a chërdo ëdcò che Maomet a sia stàit l'ùltim profet ëd Dé. A chërdo che ël Coran a sia pròpi la paròla ëd Dé, com rivelà a Maomet. Ij mussulman a ciamo ëdcò Maomet ël "Mëssagé ëd Dé".

D'apress la mòrt ëd Maomet, ij mussulman a l'han scrivù dle stòrie a propòsit ëd lòn che chiel a l'ha dit e fàit. Coste stòrie a son ciamà Hadith. Jë studios mussulman a l'an cujì ste Hadith drinta dij lìber e a l'ha confrontaje tra 'd lor. A l'han decidù che Hadith a j'ero pi davzin a esse la vera memòria dla Sunnah, visadì, dle paròle e assion ëd Maomet. Ij mussulman a penso che la Sunnah a sia na guida amportanta, ansem con ël Coran. L'Islam a l'ha dle régole basà an sël Coran e an sla Sunnah. Ste lèj a son ciamà "Sharia". Ij legislador mussulman a l'han studià la Sharia e scrivù soe ideje a propòsit ëd com giudiché cas diferent. St'ideje a propòsit ëd la Sharia a son ciamà Fiqh.