Andruw Jones
| Pais di nashonalidat | Reino Hulandes  |
|---|---|
| Nòmber di dilanti | Andruw |
| Fam | Jones |
| Fecha di nasementu | 23 aprel 1977 |
| Lugá di nasementu | Willemstad |
| Yu | Druw Jones |
| Okupashon | pelotero |
| Posishon | center fielder |
| Periodo activo (inicio) | 15 ougùstùs 1996 |
| Miembro di tim òf klup | Atlanta Braves, Los Angeles Dodgers, Texas Rangers, Chicago White Sox, New York Yankees |
| Deporte | beisbòl |
| Liga | Major League Baseball |
| Distinshon | Player of the Year, Rawlings Gold Glove Award |
Andruw Rudolf Jones (☆ 23 di aprel 1977 na Willemstad, Kòrsou) ta un eks-pelotero profeshonal kurasoleño. E tabata e di tres yu di Kòrsou pa hunga den MLB na Merka.
Bida
[editá | editá fuente]Jones a nase dia 23 di aprel 1977 na Kòrsou komo yu di Carmen i Henry Jones, un di e mihó peloteronan di e isla durante añanan sesenta i setenta di siglo 20. Su tata tabata su coach mas importante.[1]
Jones a kasa ku Nicole Derick i ta tata di tres yu. Su yu hòmber Druw Jones (2003) ta pelotero profeshonal, firmando na 2022 ku Arizona Diamondbacks.[2] Jones ta biba na estado di Georgia.
Karera
[editá | editá fuente]Jones a debutá dia 15 di ougùstùs 1996 den Major League Baseball (MLB), unda ela hunga 17 temporada, mas tantu pa Atlanta Braves.[3] E tabata, despues di Hensley Meulens i Ralph Milliard, e di tres yu di Kòrsou pa hunga den MLB. Ela hunga tambe pa Los Angeles Dodgers, Texas Rangers, Chicago White Sox, i New York Yankees, i den liga hapones Nippon Professional Baseball (NPB) pa Tohoku Rakuten Golden Eagles. Ela hunga na Venezuela ku e ekipo Tiburones de La Guaira na 1996 i na 2009 den e liga profeshonal dominicano ku e ekipo Las Águilas Cibaeñas.
Jones su parti mas fuerte ta su defensa den senter field. Ela gana e Rawlings Gold Glove Award pa senter fieldernan tur aña for di aña 1998 te cu 2007. Jones a hunga den sinku All-star Game y a gana tantu e Hank Aaron Award y e Silver Slugger Award pa outfieldernan den aña 2005. Na 2002, e tabata e National League All-Star Final Vote winner. Pa temporada 2009 Andruw Jones a firma un kontrato di Liga Menor.
.jpg)
Tim nashonal hulandes
[editá | editá fuente]Aunke Jones tabata desea di partisipa den e selekshon hulandes su agenda di weganan den MLB hopi biaha no tabata permiti esaki. Na 2006 e ta debutá den World Baseball Classic (WBC), sufriendo derota 8-3 kontra Puerto Rico. Pa di dos okashon e ta partisipa na WBC na 2023. Dos aña despues, na 2015, Jones ta wòrdu selekta pa e torneo Premier 12. Aki e ta hunga su ultimo weganan despues di a anunsiá su retiro komo hungadó.[4] Desde 2017 ela pasa pa fungi komo "bench coach" di e tim di reino (Koninkrijksteam) durante e torneonan di WBC.[5]
Distinshon
[editá | editá fuente]- e pelotero mas hoben pa bati homerun den Seri Mundial di Beisbòl.
- 1998-2007 - 10 glòf di oro
- 2000, 2002-2003, 2005-2006 - a partisipa na 5 okashon den MLB All-Star Game.
- 2005 - mas tantu homeruns den Liga Nashonal (51).
- 2005 - hungadó di Atlanta Braves ku mas tantu homeruns: 51 homeruns.
- 2005 - premio Hank Aaron.
- 2005 - premio Silver Slugger
- 2005 - luna di yüni i luna di ougùstùs: hungadó di luna.
- 2023 - ela wòrdu inkorporá den e Georgia Sports Hall of Fame.[5]
Fuente, nota i/òf referensia
|