MP40
Lo MP40 abreviacion de Maschinenpistole 38) es un pistolet mitralhaire alemand intrat en servici en 1940 e utilizat per la Wehrmacht fins a 1945. Es una simplificacion de son predecessor, lo MP38, destinada a aumentar la produccion per contentar lei besonhs fòrça importants de l'armada alemanda. Gardèt donc lei trachs caracteristics d'aquela arma coma lo cargaire de 32 cartoches (9 mm Parabellum), la massa de 4,70 kg, la cròssa amovibla e una portada eficaça de 100 m. En revènge, la capacitat de tirs foguèt melhorada per la passar de 380 còps/mn a 500-600 còps/mn.
Aqueu pistolet mitralhaire foguèt utilizat per totei lei brancas de la Wehrmacht fins a la fin de la Segonda Guèrra Mondiala. Foguèt tanben utilizat per mai d'una unitat sovietica car, segon la situacion, èra pus simple per lei soudats de l'Armada Roja de trobar de municions dins lei posicions alemandas ocupadas que d'esperar l'avitalhament de sa logistica[1]. Après 1945, lo MP40 demorèt en dotacion dins plusors armadas modèrnas (França, Isralèl, país de l'Èst...) fins ais ans 1960. Au començament dau sègle XXI, èra encara utilizat en Africa.