Karl von Clausewitz
Karl von Clausewitz (1èr junh de 1780, Burg - 16 de novembre de 1831, Breslau) es un generau e un teorician militar prussian de la premiera partida dau sègle XIX. Es l'autor de De la Guèrra, paregut en 1832, qu'es considerat ocma un classic de la pensada militara occidentala.
Fiu d'un oficier prussian, es capitani a 26 ans e participèt a la campanha d'Ièna onte son còrs capitulèt a Prenzlau. Liberat, venguèt partisan de la represa dau combat per Prússia còntra Napoleon. Pasmens, foguèt pas seguit e anèt donc s'engatjar dins l'armada russa onte venguèt coronèu de la legion alemanda. Foguèt tornat integrar dins l'armada prussiana en 1814 e participèt ai combats en Belgica en 1815. Après lei guèrras napoleonenca, foguèt nomat a la direccion de l'Escòla de guèrra generala de Berlin. Aqueu pòste li laissèt de temps liure per menar sei reflexions teoricas. Puei, en 1830, venguèt inspector de l'artilhariá avans d'èsser nomat cap d'un còrs d'armada prussian en 1831. Cargat de susvelhar l'insureccion de Polonha, moriguèt durant una epidemia de colerà.
Son òbra majora, De la Guèrra, foguèt publicada après sa mòrt per sa veusa, Marie von Brühl (1779-1836). N'acabèt la redaccion a partir dei nòtas e dei brolhons de son marit e ne'n modifiquèt certanei partidas. Aqueu tèxte es un dei tractats militars pus influents de l'istòria amb L'Art de la Guèrra. En particular, Clausewitz i mostrèt lo liame estrech entre lo politic e la guèrra e la natura intrinsècament violenta de la guèrra e i definiguèt de nocions fondamentalas de la pensada militara modèrna coma aquelei d'objectiu estrategic, d'objectiu politic, de direccion de guèrra, d'esfòrç principau e de nèbla de guèrra.
Liames intèrnes
[modificar | Modificar lo còdi]Bibliografia
[modificar | Modificar lo còdi]- (fr) Bruno Colson, Clausewitz, Perrin, 2016, 600 p.