Lekamleggjering

Min by, du ligger rastløs selv om dagen din er over. For du vet at natten din blir aldri lang.

Lekamleggjering, personifikasjon eller personifisering er omgrep for det at ein gjev skapnad og personlegdom til abstrakte omgrep og idear. Dette er ei form for metafor og er utbreidd innan mellom anna religion, litteratur, kunst og retorikk. Ofte er lekamen ein kler ideen i menneskeleg i form eller oppførsel.

Ein kan personifisera noko gjennom å tillegga det eigenskapar som høyrer til ein person, til dømes kjensler eller tankar.

Ei meir fullstendig lekamleggjering kan gå ut på å gje ein abstraksjon form som ein person i kunstnariske framstillingar, til dømes i framstillingar av rettvise som ei kvinne med bind for augo, ei skålvekt og/eller sverd.

Nokre utbreidde motiv for kunstnariske lekamleggjeringar er ideal som fridom, rettvise, sanning og dei sju dygdene, abstrakte omgrep som døden og tida, ulike kunstformer, typisk som muser, og geografiske område som land eller verdsdelar.

Sjå og

Døme

Egyptiske nilgudar og lekamleggjorte byar og distrikt som kjem med offer til dei. Frå grava til Ramses III frå 1100-talet f.Kr.
Forfattaren av Wiener Dioskurides frå 500-talet avbilda saman med lekamleggjeringa av oppdaging.
Lekamleggjeringar av Slavinia, Germania, Gallia og Roma hyller keisar Otto III. Manuskriptillustrasjon frå rundt år 1000.
Pesta i trappen av Theodor Kittelsen. Pesta er ei lekamleggjering av Svartedauden.
Europakart med lekamleggjorte land frå 1870.
Tresnitt av Hiroshige II som viser lekamleggjeringar av Russland og Kina.
Lekamleggjering av mote frå 1913.
Kvinne under Mardi Gras i New Orleans i 2007 utkledd som «den grøne fea», lekamleggjeringa av absint.