Kvintakkord

Power chord-grep på gitar

Kvintakkord eller powerakkord (frå engelsk power chord) er ein akkord som i grunnform består av to tonar, grunntone og kvint. Ofte vert grunntonen spelt i oktav, og stundom òg kvinttonen.

Ein kvintakkord er ikkje i røynda ein akkord, men ein toklang, alternativt ein terslaus treklang utan dur/moll-karakter. Slike akkordar høyrest kraftig ut, og fordi tersen manglar, kling dei ikke dissonant når instrumentsignalet vert forvrengd, og vert derfor gjerne nytta i rockemusikk med mykje forvrenging, t.d. i heavy metal.

Spel med kvintakkordar har enkelte likskapar med kvartharmonikken frå mellomalderen, og enkelte musikkstykke frå mellomalderen kan fungere i rockeversjonar.

I besifringsnotasjon vert kvintakkordar vist som grunntonen og eit femtal, til dømes som C⁵ eller C5. Sjeldnare nytta variantar syner til at tersen skal utelatast: C^no3, C^omit3 eller C³.

For standardstemt gitar (E–A–d–g–h–e') kan E⁵ og G⁵ visast grafisk slik:

• 
  E⁵
• 
  G⁵
• 
  G⁵

Kjelder

• Denne artikkelen bygger på «Kvintakkord» frå Wikipedia på bokmål, den 18. februar 2018.
  • Wikipedia på bokmål oppgav desse kjeldene:

Bakgrunnsstoff

• (de)Die gängigsten Powerchords
• (de)Powerchords Arkivert 2014-06-14 ved Wayback Machine., en innføring for gitar