Tyrone Power de Öllere
Tyrone Power, Sr. (* 2. Mai 1869 in London; † 23. Dezember 1931 in Los Angeles) weer en britisch-amerikaansch Schauspeler.
Leven
[ännern | Bornkood ännern]Power wurr as Söhn vun den Konzertpianisten Harold Power un de Bühnenschauspelersche Ethel Lavenu boren. He wurr an dat Dulwich College ünnerricht. De Familie is in de USA utwannert un 1886 geev Power sien Debüt as Bühnen-Schauspeler.
He kunn över Johrteihnten an' Broadway Erfolge verteeken, dorünner as Claudius in de hööchst spoodriek Hamlet-Produktschoon vun John Barrymore. Af 1914 is Power ok tosätzlich in Filmen uptreeden, tonächst meest in de Hööftrull, later ok faken as bösen Minsch. Sien letzte Filmrull harr he 1930 an de Siet vun John Wayne in den Western Der große Treck.
Power weer de Vader vun de US-Schauspeler Tyrone Power as ok Grootvader vun de Singersche Romina Power un den Schauspeler Tyrone Power junior. He is in dat Öller vun 62 Johren an en Hartinfarkt storven.
Filmographie (Utwahl)
[ännern | Bornkood ännern]| Johr | Titel | Synchroonsnacker |
|---|---|---|
| 1914 | Aristocracy | |
| 1916 | Where Are My Children? | |
| 1921 | Dream Street | |
| 1923 | Fury | |
| 1924 | Janice Meredith dt.: Das Heldenmädchen von Trenton |
|
| 1925 | The Wanderer dt.: Der Wanderer |
|
| 1925 | Braveheart, Film 1925 | |
| 1925 | The Red Kimona | |
| 1930 | The Big Trail dt.: Der große Treck |
Weblenken
[ännern | Bornkood ännern]
Tyrone Power de Öllere. Mehr Biller, Videos oder Audiodateien to’t Thema gifft dat bi Wikimedia Commons.
- Tyrone Power de Öllere in de Internet Movie Database (engelsch)