Max von Sydow

Max von Sydow (2006)

Max von Sydow (börgerlich: Carl Adolf von Sydow; * 10. April 1929 in Lund; † 8. März 2020), weer en sweedsch Schauspeler mit düütsch-pommersche Afstammem. Siet 2002 hett he butendem de franzöösche Staatsbörgerschop. Max von Sydow is dör sien Rullen in tallrieke Filmen vun Ingmar Bergman internatschonal bekannt worrn un weer to de besten Charakterdorstellers weltwiet rekent.

Leven un Wark

Över de Kindheit vun Max von Sydow is nich veel bekannt. He is de Söhn vun Carl Wilhelm von Sydow, de an de Universität Lund Professer för Ethnologie un skandinaavsche un irische Volksmusik weer, un Maria von Sydow, borene Freesche Greta Rappe, de as Schoolmeestersche arbeiten de.

Von Sydow hett de Kathedralschool in Lund besöcht, woneem he en Theatergrupp grünnt hett un eerste Insichten as Schauspeler sammeln de. Vun 1948 bit 1951 hett he sien Utbilln as Schauspeler an’t Königlich Dramaatsche Theater („Dramaten“) in Stockholm maakt. 1949 harr he sien eerste Filmrull in Bara en Mor (dt.: Nur eine Mutter) ünner den Speelbaas Alf Sjöberg.

In’t Johr 1955 töög Von Sydow na Malmö. Dor hett he Ingmar Bergman drapen – en Verbinnen, dör de he internatschonal bekannt worrn is. Toeerst hebbt se an’t Stadttheater Malmö tosamenarbeit, later denn ok in mehrere Filmen. Sien internatschonalen Dörbrook harr he 1957 mit dat histoorsche Filmdrama Det sjunde inseglet (dt.: Dat siebente Siegel). Dorna kemen verschednee Filmen ünner de Regie vun Ingmar Bergman, in de he an de Siet vun Liv Ullman speelt hett.

Bit dorhen harr sien de Arbeit vun Max von Sydow vör allen op den skandinaavschen Ruum beschränkt. 1965 hett he dat eerste mol de Hööftrull in en US-amerikaansche Filmarbeit övernahmen, as he in George Stevens sien The Greatest Story Ever Told (dt.: Die größte Geschichte aller Zeiten) den Jesus spelen de. He hett dorna en Tiet lang mit sien Familie in Los Angeles leevt, töög in de 1970er Johren denn aver na Rom un speel in tallrieke italieensche Filmen mit. He weer aver wieter ok in Hollywood-Filmen to sehn un speel fakener ok de Rull vun düütsche Offizeeren in’n Tweeten Weltkrieg.

Max von Sydow (1990)

To sien Wark tellt vele bekannte Filmen. Ofschoonst he ok in vele Actionfilmen to sehn weer, hett he sik an’n leevsten aver doch Rullen in Dramen utsöcht as to’n Bispeel Pelle erobreren (dt.: Pelle, der Eroberer), för den he 1989 för den Oscar vörslahn weer. De Filmkritik hett den Schauspeler faken Charisma un en archaische Kraft tospraken, wat dör sien hoochbenige Gestalt un sien as knastig beschrevene Stimm noch verstarkt warrt. Alltohopen hett von Sydow in ruchweg 150 Filmprodukschonen mitarbeit. Sien markante Stimm is bito ok in vele Warffilmen to hören wesen.

Von Sydow weer vun 1951 bit 1996 in eerste Eh mit de Schauspelersche Christina Olin (ok as Kjerstin oder Kerstin Olin bekannt) verheiraat un harr mit ehr twee Söhnen. Nadem se scheedt worrn sünd, hett he 1997 de franzöösche Översettersche Catherine Brelet heiraat, de he bi de Dreiharbeiten to den Film Solomon (dt.: Die Bibel – Salomon) drapen hett. Siet disse Tiet arbeit Brelet blots noch as persönliche Assistentin vun ehrn Ehmann. 2002 hett von Sydow de franzöösche Staatsbörgerschop annahmen un wahnt vundaag in Paris. Op dat sweedsche Oostsee-Eiland Gotland hett he en Ferienhuus.

Filmografie (Auswahl)

Johr	Titel	Synchroonsnacker
1949	Bara en mor dt.: Rya Rya nur eine Mutter
1951	Fröken Julie dt.: Fräulein Julie
1957	Det sjunde inseglet dt.: Das siebente Siegel	Harald Leipnitz
1958	Spion 503
1958	Ansiktet dt.: Das Gesicht	Wilhelm Borchert
1960	Jungfrukällan dt.: Die Jungfrauenquelle	Arnold Marquis
1961	Såsom i en spegel dt.: Wie in einem Spiegel	Arnold Marquis
1963	Nattvardsgästerna dt.: Licht im Winter	Arnold Marquis
1965	The Greatest Story Ever Told dt.: Die größte Geschichte aller Zeiten	Wilhelm Borchert
1965	The Reward dt.: Sieben reiten in die Hölle	Friedrich Schönfelder
1966	Hawaii	Wilhelm Borchert
1968	Vargtimmen dt.: Die Stunde des Wolfs	Wilhelm Borchert
1968	Skammen dt.: Schande	Wilhelm Borchert
1971	The Night Visitor dt.: Der unheimliche Besucher	Wilhelm Borchert
1971	Utvandrarna dt.: Emigranten	Helmo Kindermann
1972	Nybyggarna dt.: Das neue Land
1973	The Exorcist dt.: Der Exzorzist	Dieter Borsche Hartmut Reck (Neefaten)
1974	Steppenwolf	Jürgen Thormann
1975	Three Days of the Condor dt.: Die drei Tage des Condor	Jürgen Thormann
1975	The Ultimate Warrior dt.: Krieger der Apokalypse
1976	Foxtrot dt.: Tödliches Inselparadies	Holger Hagen
1977	Exorcist II: The Heretic dt.: Exzorzist II – Der Ketzer	Hartmut Reck
1980	La mort en direct dt.: Death Watch – Der gekaufte Tod	Jürgen Thormann
1980	Flash Gordon	Jürgen Thormann
1982	Conan the Barbarian dt.: Conan, der Barbar	Friedrich W. Bauschulte
1982	Ingenjör Andrées luftfärd dt.: Der Flug des Adlers
1983	Le cercle des passions dt.: Im Bann der Leidenschaft	Gert Gütschow
1984	Dreamscape dt.: Höllische Träume	Holger Hagen
1984	Dune dt.: Der Wüstenplanet	Gert Günther Hoffmann Bernd Stephan (DVD)
1985	Code Name: Emerald dt.: Codename: Emerald	Gernot Duda
1986	Hannah and Her Sisters dt.: Hannah und ihre Schwestern	Rolf Schult
1986	Oviri dt.: Die Augen des Wolfs	Mogens von Gadow
1987	Pelle erobreren dt.: Pelle, der Eroberer	Friedrich W. Bauschulte
1990	Father dt.: Schatten des Verdachts
1992	Den goda viljan dt.: Die besten Absichten
1992	Dotkniecie reki dt.: Der Klang der Stille	Jürgen Thormann
1993	Morfars resa dt.: Großvaters Reise
1993	Needful Things dt.: Needful Things – In einer kleinen Stadt	Jürgen Thormann
1995	Judge Dredd	Jürgen Thormann
1995	Dypets ensomhet dt.: Die Einsamkeit der Tiefe
1996	Hamsun	Friedrich W. Bauschulte
1997	Hostile Waters, Feernsehn dt.: Im Fahrwasser des Todes	Jochen Schröder
1997	Solomon, Feernsehn dt.: Die Bibel – Salomon	Walter Niklaus
1998	What Dreams May Come dt.: Hinter dem Horizont	Jürgen Thormann
1999	Snow Falling on Cedars dt.: Schnee, der auf Zedern fällt	Jürgen Thormann
2001	Non ho sonno dt.: Sleepless	Otto Mellies
2001	Vercingétorix dt.: Vercingétorix – Kampf gegen Rom	Jürgen Thormann
2002	Minority Report	Jürgen Thormann
2005	Heidi	Jürgen Thormann
2007	Rush Hour 3	Jürgen Thormann
2009	The Tudors, Feernsehfolgen dt.: Die Tudors	Reinhard Glemnitz
2009	Oscar et la dame rose dt.: Oskar und die Dame in Rosa	Jürgen Thormann
2010	Shutter Island	Jürgen Thormann
2010	Robin Hood	Jürgen Thormann
2011	Extremely Loud & Incredibly Close dt.: Extrem laut und unglaublich nah	–
2012	Branded
2014	The Letters dt.: Mutter Theresa: Ihre Briefe. Ihr Leben	Jürgen Thormann (Synchro 2016)
2015	Star Wars: Episode VII – The Force Awakens dt.: Star Wars: Episode VII – Das Erwachen der Macht	Jürgen Thormann
2016	Les premiers les derniers dt.: Das Ende ist erst der Anfang	Jürgen Thormann
2018	Kursk

Utteken

Von Sydow hett för sien Filmwark tallrieke Priesen kregen, de sien Ansehn ünnerstrieken doot. Bit hüüt (Stand: Februar 2013) weer he 35 mol för Filmpriesen nomineert, so ok tweemol för den Oscar as Best Hööftdorsteller in den Film Pelle erobreren un as Best Nevendorsteller in Extremely Loud & Incredibly Close. Uttekent weer he dorvun mit 24 Filmpriesen, as ünner annern mit:

• 1974: den Bronze Wrangler in de Kategorie Best theatraalsch Dorstellen för Nybyggarna
• 1975: den KCFCC Award in de Kategorie Best Nevendorsteller för Three Days of the Condor
• 1980: de Marshall Trophy in de Kategorie Best Dorsteller för Flash Gordon
• 1982: den Pasinetti Award in de Kategorie Best Dorsteller för Ingenjör Andrées luftfärd
• 1988: den Bodil Award in de Kategorie Best Hööftdorsteller för Pelle erobreren
• 1988: den Robert in de Kategorie Best Dorsteller för Pelle erobreren
• 1988: den Europääschen Filmpries in de Kategorie Best Dorsteller för Pelle erobreren
• 1990: den AFI Award in de Kategorie Best Hööftdorsteller för Father
• 1997: den Bodil Award in de Kategorie Best Hööftdorsteller för Hamsun
• 2006: den Donostia Lifetime Achievement Award vun’t San Sebastián International Film Festival

An’n 15. April 2014 is butendem de Asteroid (35087) von Sydow na em nöömt worrn.

Weblenken

Max von Sydow. Mehr Biller, Videos oder Audiodateien to’t Thema gifft dat bi Wikimedia Commons.

• Max von Sydow in de Internet Movie Database (engelsch)
• Literatur vun un över Max von Sydow in’n Katalog vun de Düütschen Natschonalbökeree
• Biografie vun Max von Sydow, filmreference.com (engelsch)