Hamer
Dit Woort hett noch annere Bedüden: kiek dorför ünner Hamer (Mehrdüdig Begreep).
De Hamer is’n Warktüüg, dat’n op de wiede Welt kennt un bruken daat. Een Hamer besteit in alle Regel ut’n Hamerkopp un’n Steel, bi den de Hamer anfoot ward. De Kopp is mihrstens ut Iesen un de Steel ut Holt. De Hamerkopp het ne Bohn - dormit schleit’n op dat Warkstück - un op de annern Siet ne Finn. De Steel is in den Kopp fast vekielt, dormit allens goot tohopen höllt.
De Hamers hört to de am längsten brukten Warktüüg op de Welt, man denkt so - in’e Urformen - an mehr as eene Million Johr.
Vun de Form her un woto de Hamer hernomen ward, ward he ünnerscheidlik nömt: Murerhamer, Discherhamer, Schlosserhamer, Timmermannshamer, Schieferhamer, Schoosterhamer, Vörslaghamer, Schlackenhamer, Ploosterhamer, Nothamer, Kugelhamer, usw.
