Сундски јазик

Сундски
	ᮘᮞ ᮞᮥᮔ᮪ᮓ Basa Sunda
Застапен во	Индонезија
Подрачје	Западна Јава, Бантен, Џакарта, делови од западна Централна Јава
Народ	Сунди, Бадуи
Говорници	34 милиони (2000)
Јазично семејство	австронезиско малајско-полинезиско јадрено малајско-полинезиско малајско-сумбавско ?; лампуншко–сундски? сундски; ; ; ;
Писмо	латиница (денес); пегон (верска); сундско писмо (по избор)
Статус
Службен во	Западна Јава (како регионален јазик)
Јазични кодови
ISO 639-1	su
ISO 639-2	sun
ISO 639-3	или:; sun — сундски; bac — бадујски

Сундски јазик (Basa Sunda, со сундско писмо: ᮘᮞ ᮞᮥᮔ᮪ᮓ) — јазик од малајско-полинезиското семејство со околу 27 милиони говорници во западниот дел на Јава, што претставува 15% од населението на Индонезија.

Јазикот е поблизок на мадурскиот и малајскиот, а во подалечно сродство со јаванскиот. Има неколку дијалекти:

западен - во покраината Бантен и извесни делови од Лампунг,
северен - во Богор и северното крајбрежје на Западна Јава,
јужен (пријангански) - во (Бандунг и околината),
блискоисточен - во Маџаленгка и Индрамају,
североисточен - во Кунинган, Чиребон и Бребес (Централна Јава) и
југоисточен - во Чиамис, Банџар и Чилачап (Централна Јава).

Пријанганскиот дијалект е најзастапен и се предава во основните училишта (нижи и виши паралелки) во Западна Јава и покраината Бантен.

Писмо

Сундскиот може да се пишува на разни писма, од кои матични се сундското писмо и „пегон“-от (вид арабица) кој се употребувал порано, а денес наоѓа само верска употреба. Денес најзастапена е латиницата.

Фонологија

Правописот на сундскиот јазик е мошне фонетски. Постојат пет самогласки: /ɑ/, é /ɛ/, i /i/, o /ɔ/, u /ʊ/, две полусамогласки; e /ə/ и eu /ɤ/ и 18 согласни фонеми што се транскрибираат со буквите p, b, t, d, k, g, c (изгов: /tʃ/), j, h, ng, ny /ɳ/, m, n, s /s/, w, l, r (трепетно или едноударно) и y /j/. Сепак, јазикот има 16 согласки, а останатите се странски гласови во заемки.

Честопати согласките што се јавуваат во заемки се одомаќинуваат во сундски согласки: f → p, v → p, sy → s, sh → s, z -> j и kh /x/ → h.

Поврзано

Наводи

↑ Karl Andebeck, 2006. 'An initial reconstruction of Proto-Lampungic'

Надворешни врски

Сундско-индонезиски речник (и обратно) Архивирано на 11 октомври 2014 г.
Сундски јазик - Ethnologue (англиски)
Претворач од латиница во сундско писмо

[1] Karl Andebeck, 2006. 'An initial reconstruction of Proto-Lampungic'

[1]