Сија

Сија
Сија
	Сија во Сиетл, САД во август 2011
Роден(а)	Сија Кејт Изобел Ферлер; 18 декември 1975 (48 г.); Аделаида, Јужна Австралија, Австралија
Занимање	пејас; текстописец; режисер на музички видеа;

Сија Кејт Изобел Ферлер (англиски: Sia Kate Isobelle Furler; р. 18 декември 1975) позната само како Сија — австралиски пејачка, текстописец и режисер на музички видеа^[1] Таа ја започнала својата кариера како пејачка во локалниот бенд Крисп во 1990-те. Кога бендот се распаднал, таа го издала својот студиски албум со наслов „OnlySee“ („СамоВиди“) во Австралија. Тогаш таа се преселила во Лондон и била водечки вокал на британското дуо Zero 7 („Нула-седум“).

Во 2000 г. Сија потпишала со Sony Music и следната година го издала својот втор соло студиски албум Healing Is Difficult („Закрепнувањето е тешко“). Бидејќи не била задоволна од промоцијата на записот, таа потпишала договор со Go! Beat и во 2004 го издала својот трет студиски албум Colour the Small One („Обои го малиот“). Проектот се борел да стапи во контакт со широката публика и така Сија се преселила во Њујорк во 2005 година и започнала тури низ САД. Таа го издала својот четврти а потоа и петти студиски албум, Some People Have Real Problems („Некои луѓе имаат вистински проблеми“) и We Are Born („Ние сме родени“) во 2008 и 2010 година. Потоа се стекнала со повреда од пеење и се посветила на текстовите и започнала да работи како текстописец. Таа имала одлична соработка со Дејвид Гета (за песната Титан), Рајана (Diamonds) и ФлоРида (Wild Ones).

Во 2014 година го издала својот шести студиски албум 1000 Forms of Fear („1000 облици на страв“). Од овој албум најголем успех имала песната Chandelier („Лустер“) и трилогијата на видеа во кои настапува детето Меди Зиглер, танчер. Во 2016 година го издала својот седми албум This Is Acting („Ова е глума“), од кој како најуспешна песна се издвоила Cheap Thrills („Евтини возбуди“). Во 2018 година, заедно со Лабринт и Дипло основала супергрупа наречена ЛСД (според првите букви од нивните имиња). Тие го издале нивниот прв албум во април 2019 година. Сиа има напишано многу песни за филмови, а режирала и долгометражен филм под наслов Музика, кој бил објавен на почетокот од 2021 година. Заедно со филмот бил објавен и албумот „Music – Songs from and Inspired by the Motion Picture“.

Сија се стекнала со голем број награди и признанија, меѓу кои наградат АРИА и награда за музичко видео на МТВ.^[2]

Дискографија

OnlySee („СамоВиди“, 1997)
Healing Is Difficult („Закрепнувањето е тешко“, 2001)
Colour the Small One („Обои го малото“, 2004)
Some People Have Real Problems („Некои луѓе имаат вистински проблеми“, 2008)
We Are Born („Ние сме родени“, 2010)
1000 Forms of Fear („1000 облици на страв“, 2014)
This Is Acting („Ова е глума“, 2016)
Everyday Is Christmas („Секој ден е Божиќ“, 2017)
Music (2021)
Reasonable Woman (2024)

Турнеи

Live from Sydney Tour (2009)
We Meaning You Tour (2010)
Nostalgic for the Present Tour (2016–2017)

Наводи

↑ „Singer-songwriter Sia snags first No. 1 on U.S. Billboard chart“. Reuters. 16 July 2014. Архивирано од изворникот на 2017-09-27. Посетено на 26 May 2017.
↑ „Chet Faker and Violent Soholead 2014 ARIA nominations“. fasterlouder. Посетено на 5 November 2014.^{[мртва врска]}

Надворешно врски

Матична страница
Сија на Семрежната филмска база на податоци (англиски)

[1] „Singer-songwriter Sia snags first No. 1 on U.S. Billboard chart“. Reuters. 16 July 2014. Архивирано од изворникот на 2017-09-27. Посетено на 26 May 2017.

[ARIA2014-2] „Chet Faker and Violent Soholead 2014 ARIA nominations“. fasterlouder. Посетено на 5 November 2014.^{[мртва врска]}

[1]

[2]