Мутуализам (биологија)
Мутуализам е форма на симбиоза кога и двата организма имаат корист од заедничкото живеење. На пример ензимските активности на бактериите кои живеат во дигестивниот тракт на добитокот, овозможуваат тие да ја разложат тревата. Мешункастите и некои други растенија се колонизирани од бактерии кои формираат мали топчиња на нивните корени. Овие бактерии го врзуваат азотот за коренот. Азот е основен елемент потребен за сите организми. Ваквиот азот растенијата можат да го користат. Кај животните, мутуализам се јавува помеѓу повеќе тревопасни животни и микроорганизмите на системот за варење. Копитари и некои други животни јадат растенија кои содржат целулоза, иако тие немаат ензими способни за разградување на целулозата. Тоа за нив го прават микроорганизмите кои живеат во нив.
 | Оваа статија од областа на биологијата е никулец. Можете да помогнете со тоа што ќе ја проширите. |