Bahaso Arab

Bahaso Arab
	العربية al-ʿarabīyah
Bacaan	/alˌʕaraˈbiːja/
Ditutuakan di	Utamonyo di nagara-nagara Arab di Timur Tangah jo Afrika Utara;; bahaso liturgi Islam.
Jumalah panutua	Sakitar 280 juta panutua asali and 250 million non-native speakers (indak ado tanggal)
Rumpun bahaso	Afroasiatik Semit Semit Barat Semit Tangah Arab Bahaso Arab; ; ; ; ;
Sistim panulihan	Alfabet Arab, Alfabet Syria (Garshuni), Alfabet Latin
Status rasmi
Bahaso rasmi di	Bahaso rasmi 25 nagara, katigo salapeh bahaso Inggirih jo Parancih Daftar Aljazair; Bahrain; Comoros; Chad; Djibouti; Mesir; Eritrea; Irak; Israel; Yordania; Kuwait; Lebanon; Libya; Mauritania; Maroko; Oman; Palestina; Qatar ; Saudi Arabia; Somalia; Sudan; Syria; Tunisia; Uni Emirat Arab; Sahara Barat; Yaman; Uni Afrika; Liga Arab; Templat:Country data OKI; Templat:Country data PBB
Diatur dek	Aljazair: Dewan Tinggi Bahaso Arab di Aljazair; Mesir: Limbago Bahaso Arab di Kairo; Irak: Limbago Sains Irak; Yordania: Limbago Bahaso Arab Yordania; Libya: Limbago Bahaso Arab di Jamahiriya; Maroko: Limbago Bahaso Arab di Rabat; Sudan: Limbago Bahaso Arab di Khartum; Syria: Limbago Arab Damaskus (tatuo); Tunisia: Yayasan Beit Al-Hikmah
Kode-kode bahaso
ISO 639-1	ar
ISO 639-2	ara
ISO 639-3	; ara – bahaso Arab (umum); (caliak kaanekaragaman bahaso Arab untuak kode individual)
	[[File:ArabDistribusi bahaso Arab sabagai bahaso rasmi tu surang (hijau) jo sabagai salah satu dari duo atau labiah bahaso rasmi (biru)\|300px]]

Untuak kagunoan lain dari Arab, caliak Arab (disambiguasi).

Bahaso Arab (اللغة العربية al-lughah al-‘Arabīyyah, atau singkeknyo عربي ‘Arabī) adolah salah satu bahaso Semit Tangah, nan tamasuak dalam rumpun bahaso Semit dan bakarabaik jo bahaso Ibrani jo bahaso-bahaso Neo Arami. Bahaso Arab punyo labiah banyak panutua daripado bahaso-bahaso lainnyo dalam rumpun bahaso Semit. Inyo ditutuakan dek labiah dari 280 juta urang^[1] sabagai bahaso partamo, nan mano sabagian gadang tingga di Timur Tangah jo Afrika Utara. Bahaso iko adolah bahaso rasmi dari 25 nagara, jo marupokan bahaso ibadat dalam agamo Islam karano marupokan bahaso nan dipakai dek Al-Qur'an. Manuruik panyebaran geografisnyo, bahaso Arab lisan punyo banyak variasi (dialek), babarapo dialeknyo bahkan indak dapek saliang mangarati ciek samo lain. Bahaso Arab modern alah diklasifikasikan sabagai ciek makrobahasa jo 27 sub-bahaso dalam ISO 639-3. Bahaso Arab Baku (kadang-kadang disabuik Bahaso Arab Sastra) diajakan sacaro laweh di sakolah jo universitas, sarato digunokan di tampek karajo, pamarintahan, jo media massa.

Bahaso Arab Baku barasa dari Bahaso Arab Klasik, satu-satunyo anggota rumpun bahaso Arab Utara Kuna nan kini masih digunokan, sabagaimano nampak dalam inskripsi paninggalan Arab pra-Islam nan dari abaik ka-4.^[4] Bahaso Arab Klasik juo alah manjadi bahaso kasusasteraan jo bahaso ibadat Islam sajak labiah kurang abaik ka-6. Abjad Arab ditulis dari kanan ka kiri.

Bahaso Arab alah maagiah banyak kosakato kapado bahaso lain dari dunia Islam, samo sarupo paranan Latin kapado banyak bahaso Eropah. Samaso Abaik Patangahan bahaso Arab juo marupokan alaik utamo budayo, utamonyo dalam sains, matematika jo filsafat, nan manyababkan banyak bahaso Eropa turuik maminjam banyak kosakato dari bahaso Arab.

Pangaruah bahaso Arab ka bahaso lain

Tadapek banyak kato-kato Inggirih nan diambiak dari bahaso Arab, biasonyo malalui bahaso Eropah lain, tarutamonya Sepanyol jo Itali. Dalam golongan bahaso-bahaso tu kosakato bahaso saarian tadapek kato sarupo "sugar", sukkar (gulo); "cotton", quṭn ("kapeh") jo "magazine", 'maḫāzin (majalah). Kato-kato lain tamasuak "algebra", "alcohol" jo "zenith".

Pangaruih Arab alah manjadi sangaik dalam di nagari-nagari nan diparentah Islam atau kuaso Islam. Salain tu bahaso Arab juo adolah sumber kosakato gadang untuak babagai bahaso lain sarupo bahaso Berber, Kurdis, Parsi, Swahili, Urdu, Hindi, Turki, Melayu, jo Indonesia. Contohnyo pakataan Arab untuak buku /kita:b/ digunoan dalam sadonyo bahaso nan tatulih di ateh, salain dari bahaso-bahaso Indonesia jo Melayu (di ma sacaro kusuih punyo mukasuik "buku agamo").

Dialek

Daftar dialek utamo di nagaro-nagaro Arab adolah sabagai barikuik:

Dialek Mesir مصري: Dipakai dek labiah kurang 76 juta rakyaik Mesir.
Dialek Maghribi مغربي: Dipakai dek labiah kurang 20 juta rakyaik Afrika Utara.
Dialek Levantine: Disabuik juo Dialek Syam; dipakai di Suriah, Palestina, Lebanon jo dek Gareja Maronit Siprus.
Dialek Irak عراقي: Mampunyoi pabedoan kusuih, iyolah pabedoan dialek di utara jo selatan Irak
Dialek Arab Timua بحريني: Dipakai di Oman, Arab Saudi jo di Irak bagian Barat.
Dialek Teluk خليجي: Dipakai di daerah Teluk, iyolah di Qatar, Uni Emirat Arab jo Arab Saudi.

Samantaro babarapo dialek lainnyo adolah:

Hassānīya حساني: Dipakai di Mauritania jo Sahara Barat
Dialek Sudan سوداني: Dipakai di Sudan jo Chad
Dialek Hijazi حجازي: Dipakai di daerah barat dan utara Arab Saudi dan timur Yordania
Dialek Najd نجدي: Dipakai di Najd, Arab Saudi
Dialek Yaman يمني: Dipakai di Yaman
Dialek Andalus أندلسي: Dipakai di Andalus sampai abaik ka-17
Dialek Sisilia سقلي: Dipakai di Sisilia

Caliak Pulo

Ado edisi Bahaso Arab di Wikipedia

Caliak katarangan manganai
bahaso arab di Wikikato.

Rujuakan

↑ ^a ^b Procházka, 2006. Kutipan rusak: Tanda <ref> tidak sah; nama "Proch" didefinisikan berulang dengan isi berbeda
↑ Ethnologue (1999)
↑ Wright, 2001, p. 492.
↑ Versteegh, Kees (1997), The Arabic Language, hlm. 33. Edinburgh University Press, ISBN 90-04-17702-7

Pautan Lua

Kamus Online Bahasa Arab (Indonesia - Arab)
Kamus Arab
Belajar Bahasa Arab Pemula Archived 2014-03-01 di Wayback Machine.

Templat:Arabic alphabet Templat:Semitikmodern

Iko baru laman rancangan. Bantulah Wikipedia untuak mangambangannyo.

[Proch-1] Procházka, 2006. Kutipan rusak: Tanda <ref> tidak sah; nama "Proch" didefinisikan berulang dengan isi berbeda

[Ethnologue_1999-2] Ethnologue (1999)

[Wright-3] Wright, 2001, p. 492.

[keesp33-4] Versteegh, Kees (1997), The Arabic Language, hlm. 33. Edinburgh University Press, ISBN 90-04-17702-7

[1]

[2]

[3]

[4]