Tetiandro joliana
Ny tetiandro joliana na kalandrie joliana dia tetiandro manara-masoandro nampiasaina tany Rôma tamin' ny Andro Taloha izay nampidirin' i Jolio Kaisara tamin' ny taona 46 tal. J.K. mba hanoloany ny tetiandro rômana repoblikana. Nampiasaina tany Eorôpa io tetiandro io hatramin' ny nanoloana azy amin' ny tetiandro gregôriana tamin' ny faramparan' ny taonjato faha-16.
Fiangonana ôrtôdôksa dimy no anisan' ireo mbola mampiasa azy hatramin' izao, dia ny Fiangonana ôrtôdôksan' i Jerosalema, ny Fiangonana ôrtôdôksan' i Rosia, ny Fiangonana ôrtôdôksan' i Makedônia ary ny Fiangonana ôrtôdôksan' i Serbia. Ny faritra sasany any Magreba koa dia mampiasa ny tetiandro joliana, indrindra ny Berbera ao Afrika Avaratra.
Tamin' ny taona 46 tal. J.K. dia nanapa-kevitra i Jolio Kaisara, araka ny toro hevitr' ilay mpahay kintana grika atao hoe Sôsigenesy avy any Aleksandria, mba hanao tetiandro vaovao. Ny iray taona ao amin' io tetiandro io dia maharitra 365 andro ho an' ny taona fohy fa 366 andro kosa ho an' ny taona lava isan' efa-taona izay amerenana indroa ny 24 Febroary. Tsy ny voalohan' ny volana Marsa intsony fa ny voalohan' ny volana Janoary no natao andro voalohany amin' ny taona.