Likitana

O mambí ma lokótá, likitana lizalí nkómbó eye ekitání esíká ya nkómbó. Ndakisa : ngáí, yɔ̌ ,yě, bangó, mosúsu, basúsu , -ye, -súsu , b.n.b.

Ndéngé :

• likitana-boméi : ngáí, yɔ̌, b.n.b.
• likitana-litálisi : -angó, óyo, -ye, b.n.b.
• likitana-likokí
• likitana-motúna : níni, náni, banáni

Likitana o ntéi ya likelelo

Na makomi míngi ma Lingála likitana mpǒ na bato tǒ bilɔ́kɔ ekɔ́tisamaka na káti ya likelelo.

Likitana lya bato o ntéi ya likelelo

Na Lingála makitana matali bato mazalí: ngáí, yɔ̌, yě, bísó, bínó, bangó. <br\> Na nkomá ya Lingála kokɔ́tisa likitani na likelelo, ekolanda likitani liye lizali kokɔ́tɔ na likelelo na loléngé luye:

• Ngáí→m tŏ n<br\>

Ndakisa<br\> Molakisi apɛsi ngáí mokandá →Molakisi ampɛsi mokandá <br\> Molakisi atindeli ngáí mokandá →Molakisi antindeli mokandá <br\>

• Yɔ̌→ko<br\>

Ndakisa<br\> Molakisi apɛsi yɔ̌ mokandá →Molakisi akopɛsi mokandá <br\>

• Yě→mo<br\>

Ndakisa<br\> Molakisi apɛsi yě mokandá →Molakisi amopɛsi mokandá <br\>

• Bísó→lo<br\>

Ndakisa<br\> Molakisi apɛsi bísó mokandá →Molakisi alopɛsi mokandá <br\>

• Bínó→bo<br\>

Ndakisa<br\> Molakisi apɛsi bínó mokandá →Molakisi abopɛsi mokandá <br\>

• Bangó→bá <br\>

Ndakisa<br\> Molakisi apɛsi bangó mokandá →Molakisi abápɛsi mokandá <br\>

Likitana lya bilɔ́kɔ o ntéi ya likelelo

Na Lingála likitana litali bilɔ́kɔ lizali -angó. Mpǒ na kolikɔ́tisa o ntéi ya likelelo, lyangó likolanda kelási ya nkómbó ya elɔ́kɔ eye ekokɔtɔ na likelelo

Ndakisa<br\> Molakisi apɛsi yɔ̌ mokandá. →Molakisi apɛsi yɔ̌ mwangó. → amupɛsi yɔ̌.<br\> Mamá asómbi mbisi (yɔ̌kɔ́) o wɛnzɛ. →Mamá asómbi yangó o wɛnzɛ. → aesómbi o wɛnzɛ.<br\> Mamá asómbi mbisi (íbalé) o wɛnzɛ. →Mamá asómbi yangó o wɛnzɛ. → aisómbi o wɛnzɛ .<br\> Mamá asómbi lilala o wɛnzɛ. →Mamá asómbi lyangó o wɛnzɛ. → alisómbi o wɛnzɛ.<br\> Mamá asómbi malala o wɛnzɛ. →Mamá asómbi mangó o wɛnzɛ. → amasómbi o wɛnzɛ. <br\> Mamá asómbi ekɔlɔ́ o wɛnzɛ. →Mamá asómbi yangó o wɛnzɛ. → aesómbi o wɛnzɛ.<br\> Mamá asómbi bikɔlɔ́ o wɛnzɛ. →Mamá asómbi byangó o wɛnzɛ. → abisómbi o wɛnzɛ. <br\> Tatá asómbi bondóki o wɛnzɛ. →Tatá asómbi bwangó o wɛnzɛ. → abusómbi o wɛnzɛ.<br\> Tatá asómbi mandóki o wɛnzɛ. →Tatá asómbi mangó o wɛnzɛ. → amasómbi o wɛnzɛ. <br\>