Diod emissor de lus
|
Quest articol chì l'è scrivud in lombard, con la Noeuva Ortografia Lombarda |
Un Diod Emissor de Lus (breviad DEL o LED, de l'ingles Light-Emitting Diode) a l'è un diod che l'è bon de fà de sorgent de lus quand che ghe passa in mez de la corrent eletriga, grazzia a la capacità de vari semicondutor de dà foeura lus grazzia al fat che l'è drogad in do manere diferent, inscì de havégh di diferent portator de carega, eletron de 'na banda e boeugg de l'altra che, grazzia al principi del diod a gionzion, se meten insema e dann foeura i foton.
El prim LED l'è stad desvilupad del Nick Holonyak Jr. in del 1962 e in del 2014 Isamu Akasaki, Hiroshi Amano e Shūji Nakamura ciapen el Premi Nobel per la Fisega per el so lavorà in del desvilup di LED bloeu. Per via del fat che consumen men di alter manere che gh'è de emeter lus, compagn de l'incandescenza o de la fluorescenza, a inn retegnud una gran manera de sbassà i consum de eletricità e de sparmì energia e di agn '90 gh'è semper pussee lampade a LED che poden vesser doperade in di contest aziendai o domesteghe.
Riferiment
[Modifega | modifica 'l sorgent]Alter proget
[Modifega | modifica 'l sorgent]
Wikimedia Commons el gh'ha dent imagin o alter archivi su Diod emissor de lus
