Canberra

Quest articol chì l'è scrivud in lombard, con la Noeuva Ortografia Lombarda

El Parlament vegg (denanz) e quell noeuv (dedree)

Canberra (IPA: in ingles /ˈkænbɹə/, [kæ̃ːmbɹə]) a l'è la capitala de l'Australia e, con la so popolazzion de 410 301 persone, l'è anca la pussee grand cità del de denter australian. La se troeuva in del Territori de la Capitala Australiana, vun di territori de l'Australia, serciad del Stat del Noeuv Galles del Sud, a 300 km a sud-ovest de Sydney e a 650 km a nord-est de Melbourne.

'Me sed del governo australian, Canberra a l'è sed del Parlament, de la Volta Cort d'Australia e de tante olter istituzzion governative.

Storia

Prima de la colonizazzion di europee, l'area de incoeu de Canberra l'era abitada di popolazzion aborigen Ngunnawal e Walgalu. L'esplorazzion e la colonizazzion europea inn tacad intorna al 1820 e la region l'è stada interessada de quater spedizzion esplorative in tra el 1820 e 'l 1824. El prim stabiliment europee a l'è probabilment del 1824, quand che un quai allevador de l'Erik Sigleish hann tirad in pè una locanda in su quella che incoeu l'è cognossuda 'me la penisola de Acton. El Sigleish el crompa la cassina in del 1826 e el la ciama "Canberry".

La zona indova che la nass la cità l'è stada scernida 'me sed de la capitala nazzional in del 1908 e, 'me Brasilia e poche olter capital del mond, l'è stada progetada per quell scopo chì. El prim de sgenar del 1910; el governo federal el met in pè in de l'ann dopo un concors internazzional per la progetazzion de la cità. El proget del Walter Burley Griffin el vegn scernid in del 1913, el Griffin el vegn nominad diretor sgeneral di lavorà e la costruzzion la taca.

El nom "Canberra" el vegn sia del nom ingles del sit Canberry sia de la parolla Ngunnawal Kambera, che la voeul dì "sit d'inconter".

Geografia fisega

Territori

Camberra veduda de Black Mountain Tower

Canberra la ocupa un'area de 805,6 km² e la se troeuva arent a la cadena di mont Brindabella, a circa 150 chilometer de distanza de la costa orientala australiana. La so altituden l'è compresa in tra i 550 e i 700 meter in sul livell del mar. La cità l'è traversada del fium Molonglo, che el forma el lagh del center citadin, el lagh artifizzial Burley Griffin.

Alter proget

Wikimedia Commons el gh'ha dent imagin o alter archivi su Canberra
Wikivoyage el gh'ha dent Informazzion turisteghe su Canberra

Ligam de foeura

Sit istituzzional Archiviad chi: [1]