Patagonia

ZE	Sta pàgina a l'é scrîta in zenéize

Mappa da Patagònia.

A Patagonia a l'è 'na regiôn geografica scitûâ inte l'estremo sûd de l'America do Sûd.

Geografia

A comprende tæritöi in Argentinn-a (Patagonia Orientâ) e in Cile (Patagonia Oçidentâ). A vegne diviza in quelle dôe pârti da-e Andes, che mârcan o confin tra i doî stati.

A g'ha 'na sûperfiçie totâle de 787.000 km².

Scibben geografficamenti i confîn settentrionæ son marcæ into paralello 41,5º S e o sciûmme Colorado, Argentinn-a e Cile dêuvian regoe diverse pe fissâ l’estenscion de tære patagoniche.

Popolassion

Vedûta panorammica de Bariloche (Argentinn-a) e o lago Nahuel Huapi

A popolassion da Patagonia argentinn-a a l'è de 1.738.251 abitanti, e quella da Patagonia cilenn-a de 205.456 abitanti.

Stöja

A paròlla "Patagonia" a vegne da "patagones", o nomme co-o quæ i conquistatoî spagnòlli ciamâvan i aboriggini da còsta atlantica de ‘sta region. Se pensa che quello nomme o se deive a che quelli òmmi ëan ærti e gh'aivan i pê molto grendi. Se dixe ascì che quello termine o vegne da-o gigante Pataghon, personaggio de 'n romanzo spagnòllo.

Questa region a no l'è stæta abitâ da l’òmmo gianco scinn-a çirca o 1880, quande Argentinn-a e Cile han finîo l’espedission de conquista de ‘sto tæritöio.

Tûriximo

Cile: Parco Naçionâ Torres del Paine

O tûriximo o l'è molto svilûppòu in tûtti doî Pàixi. I prinçipæ pòsti tûristichi son:

In Argentinn-a:

• Bariloche, e o Parco Naçionâ Nahuel Huapi.
• El Calafate e o Parco Naçionâ Los Glaciares, con l'imponente giassä Perito Moreno.
• Puerto Madryn e Trelew, e l'avvistamento de balenn-e.
• A çittæ de Ushuaia, co-o Parco Naçionâ Tæra do Feugo e o Canâ de Beagle.
• Esquel e o lago Puelo.

In Cile:

• Parco Naçionâ Torres del Paine
• Punta Arenas
• I fiordi
• Puerto Montt e i lâghi.

Galerîa d'inmagine

• 
  O giasâ Perito Moreno, in Argentinn-a
• 
  Staçión da sci sott'a-o Cerro Catedral
• 
  'Na balenn-a vixin a-a penizoa de Valdès
• 
  Ushuaia

Atri progetti

Altri progetti

• Wikimedia Commons

• Wikimedia Commons a contêgne di files in sce Patagonia

Colegaménti esterni

• (EN) Patagonia - Encyclopædia Britannica, in sce britannica.com. URL consultòu o 2 màzzo 2022.
• (EN, ES) Patagonia-Argentina, in sce patagonia-argentina.com. URL consultòu o 2 màzzo 2022.
• (ES) Guidda tûristega da Patagonia Cilenn-a, in sce patagoniachilena.com. URL consultòu o 2 màzzo 2022.
• (ES) Patagonia Cilenn-a, in sce patagonia-chile.com. URL consultòu o 2 màzzo 2022.