Sandaue (lingua)

Mapa mostrante la loca de la sandaue popla en Tanzania

Sandaue es un lingua de "clicas", parlada par sirca 60 mil persones es la rejion Dodoma en Tanzania. La usa de la lingua es vivente en adultes e enfantes, con alga persones monolingual. En la pasada, sandaue ia es clasida en la proposada familia "coisan" per la esiste de clicas, ma esta es aora dutada par multe espertas. Lo no es ancora desideda si sandaue e la otra linguas es relatada o no.

Sandaue ave sinco vocales - a, e, i, o, u - cual pote es corta, longa, o longa nasal. Lo ave 26 consonantes (e alga plu per usa per parolas de otra linguas, spesial de suahili), e 15 clicas. E lo ave sete tonos: alta, media, basa, alta cadente, media cadente, basa cadente, e levante, usada sola sur vocales longa.

Nomes pote es singular o plural, e mas o fema. Nomes mas pote es fada diminuada par trata los como nomes fema. La mesma radises pote es usada como ajetivos o verbos.

La ordina de parolas es plu comun SOV, ma la ordina es multe flexable.