Eres (lingua)

Eres (Gaeilge)
Parlada en:	Er
Area:	Europa
Tota parlores:	2 755 283
Ordina:
Familia:	Linguas celta
State ofisial
Lingua ofisial de:	Er
Regulada par:	Foras na Gaeilge
Sifras
ISO 639-1	ga
ISO 639-2	gle
SIL	gle
Locas do la eres es parolada.
Vide ance: Lingua – Lista de linguas

Eres (Gaeilge [ˈɡeːlʲɟə]) es un lingua celta de la familia de linguas indo-european. Lo ia orijina en Er e ia es parlada tra istoria par la popla eres. Lo es parlada aora como un lingua prima par un minoria de popla eres, e es la lingua du de un parte plu grande de la popla. Lo es un parte importante de la cultur e erita de la isola. Lo es un de la du linguas ofisial de la Republica de Er, un lingua reconoseda de un minoria en Er Norde, e es un lingua ofisial de la Uni European. Eres es un studia obligada per studiantes en Er.

Eres ia es la lingua prima de la popla eres per la plu de sua istoria recordada, e los ia trae sua lingua a otra paises, spesial a Scotland, do lo ia deveni gailica scotes, e a la Isola Man, do lo ia deveni manes. Eres ave la leteratur la plu vea en Europa ueste. La prima esemplos es de la sentenio cuatro, e es scriveda en la alfabeta ogam. Con la ariva de cristianisme, la lingua ia deveni scriveda con la alfabeta latina. La leteratur famosa, como la Sicle de Ulster, ia comensa en la sentenio des. Asta la sentenio dudes, eres ia es comun scriveda con la alfabeta eres, un varia de la alfabeta latina.

En la sentenio des-nove, la cuantia de parlores ia diminui dramosa, en parte par causa de la Famion Grande de Er de 1845 a 1852, en cual Er ia perde un dui de sua popla par migra o moria. Ance un parte de la diminui ia es causada par la politica lingual de la Impero Brites. Asta la fini de la domina par la brites, la lingua ia es parlada par min ca des-sinco persentos de la popla. Sola en la areas clamada la Gaeltacht on ave grupos grande de parlores de eres. La governa e popla de Er ia promove la revive de la lingua.

Sirca 40 000 a 80 000 persones parla eres como sua lingua prima. Alga parlores de eres abitua en Britan e la SUA.

Un cualia notable de la fonolojia eres es la formas duple de la plu de consonantes: Un varia es "larga" (o velalida, pronunsiada con la anterior de la lingua traeda a retro a la palato mol, simil a dise un "u" a la mesma ves) e un es "magra" (o palatalida, pronunsiada con la media de la lingua presada a supra a la palato dur, simil a dise un "i" a la mesma vea).

Fonolojia

Consonantes:

		Labial					Coronal				Dorsal		Glotal
		Bilabial		Labio- velal	Labio- dental		Dental	Alveolal		Pos- alveolal	Palatal	Velal
		larga	magra	larga	larga	magra	larga	larga	magra	magra	magra	larga
Esplodente	sin vose	pˠ	pʲ				t̪ˠ			tʲ	c	k
	vose	bˠ	bʲ				d̪ˠ			dʲ	ɟ	ɡ
Fricante/ Prosimante	sin vose				fˠ	fʲ		sˠ		ʃ	ç	x	h
	vose			w		vʲ					j	ɣ
Nasal		mˠ	mʲ				n̪ˠ		nʲ		ɲ	ŋ
Tocante								ɾˠ	ɾʲ
Ladal							l̪ˠ		lʲ

Vocales:

	Fronte	Sentral	Dorsal
Cluida	iː		uː
	ɪ		ʊ
Media	eː	(only unstressed)	oː
	ɛ		ɔ
Abrida	a		ɑː

Gramatica

Eres usa un ordina de parolas VSO (verbo-sujeto-ojeto). La ajetivo segue normal la nom, con la eseta de la ajetivos de posese e alga ajetivos cual pote ata como prefisas. Eres usa du verbos per "es": Un es la copula, cual es usada per descrive un identia o cualia permanente de un person o cosa, e la otra es usada per cualias nonpermanente.

Eres es un lingua infletada, con tre casos per nomes: comun, vocativa, e jenitiva. En la dialeto de Munster, un caso dativa survive en la parla de persones vea. Eres vea ia ave multe casos, cual ia es simplida tra la sentenios.

Nomes pote es mas o fema (la neutra ia es estinguida). La difere es indicada en multe parolas par la finis, per esemplo, -án e ín es mas, e -óg es fema.

Un otra cualia de eres, comun en la otra linguas celta, es la usa de preposadas combinada con sua pronomes ojetal. Per esemplo, la parola per "a" es ag, ma per "a me", on usa agam. Nota ce, cuando usada con la verbo bí ("es"), ag indica posese, e es usada en loca de un verbo como "ave":

• Tá leabhar agam. "me ave un libro." (Leteral "es un libro a me")
• Tá leabhar agat. "Tu ave un libro."
• Tá leabhar aige. "El (mas) ave un libro."
• Tá leabhar aici. "El (fema) ave un libro."
• Tá leabhar againn. "Nos ave un libro."
• Tá leabhar agaibh. "Vos ave un libro."
• Tá leabhar acu. "Los ave un libro."

Como otra linguas celta, eres ave un cualia nomida "muta". La consonantes final e prima pote cambia per espresa sutiles de sinifia e relata gramatical. Ave du clase de mutas:

• moli (en eres: séimhiú) – la cambia de esplodentes a fricantes. En la scrive antica, el ia es indicada par un punto supra la consonante cambiada; aora, el es indicada par ajunta -h:
  • caith! "lansa!" — chaith mé "me ia lansa" – la moli indica la tempo pasada.
  • margadh "mercato", "bargain" — Tadhg an mhargaidh "la om de la mercato" – la moli indica la caso jenitiva de un nom mas.
  • Seán "Seán, Jan" — a Sheáin! "O Jan!" – la moli indica la caso vocativa de un nom mas.
• eclis (en eres: urú) – la ajunta de vose a la esplodentes sin vose, e la nasali de esplodentes con vose, indicada par ajunta la varia ante la consonante orijinal:
  • athair "padre" — ár nAthair "nos Padre"
  • tús "comensa", ar dtús "a la comensa"
  • Gaillimh "Galway" — i nGaillimh "en Galway"

En alga casos, la muta es la sola metodo per distingui alga formas gramatical. Per esemplo, la sola modo per distingui la ajetivos de posese mas, fema, e plural, es la muta. Per esemplo:

• sua (plural) sapato – a mbróg (eclis)
• sua (mas) sapato – a bhróg (moli)
• sua (fema) sapato – a bróg (noncambiada)

Esemplo

 Ár nAthair, atá ar neamh: go naofar d'ainm.
 Go dtaga do riocht.
 Go ndéantar do thoil ar an talamh,
 mar dhéantar ar neamh.
 Ár n-arán laethiúl tabhair dúinn inniu,
 agus maith dúinn ár bhfiacha,
 mar mhaithimid dár bhféichiúnaithe féin.
 Agus ná lig sinn i gcathú,
 ach saor sinn ó olc.
 Óir is leatsa an Ríocht agus an Chumhacht
 agus an Ghloir, tré shaol na saol.
 Amen.