Stär 1. Gréisst

Als Stär 1. Gréisst ginn zanter der Griichescher Antiquitéit déi hellst Fixstäre bezeechent.

Um ganze Stärenhimmel gëtt et 23 Stäre mat der 1. Gréisst. Besonnesch opfälleg ënner hinne sinn dräi Stäregruppen: dat sougenannte Wantersechseck, dat grousst Summerdräieck an d'Stärebild Crux mat dem Centaurus.

E bëssi méi schwaach Stäre goufe vun de Griichen Hipparchos (190–125 v. Chr.) a Ptolemäus (100–160 n. Chr.) als Stär 2. Gréisst bezeechent (z. B. Ursa Major, Cassiopeia an d'Orionceinture) an déi ganz schwach, mat bloussem A visuell Stären als 6. Gréisst.

Där Klassifizéierung hunn d'Astronomen an der Neizäit eng physikalesch genee definéiert Skala ugepasst, déi si visuell Hellegkeet nennen (och „Gréissteklass“ resp. Magnitudo, ofgekierzt mag). An där Skala gëtt et:

23 Stäre vun der 1. Gréisst bis 1,5 mag
70 Stäre vun der 2. Gréisst (1,5 bis 2,5 mag);
170 Stäre vun der 3. Gréisst;
430 Stäre vun der 4. Gréisst (nom Argelander/Kapteyn);
1200 Stäre vun der 5. Gréisst;
4000 Stäre vun der 6. Gréisst.

Déi Skala ass sou ausgeluecht, datt all Niveau engem Intensitéits-Verhältnes zum Liicht vun 2,512 entsprécht, an dofir 5 Stufen 1:100. E Stär 1. Gréisst ass also 100-mol sou hell wéi e Liichtpunkt vun der 6. Gréisst, wat dem A awer als manner Stufe virkënnt. Ursaach dofir ass d'Weber-Fechner-Gesetz vun eisem Gesiichtssënn, dat eis et anerersäits erméiglecht, nach Hellegkeetsënnerscheeder tëscht Dag an Nuecht vun 1:10 Milliarde festzestellen.

D'Stärenzuel hëlt pro Gréissteklass op dat 2½- bis 3-facht zou. Eréischt tëscht der 14. an 18. Gréisst fält de Facteur op 2,3 pro Niveau, wouraus een en Total vun de Stäre vun op d'mannst 30 Milliarde kritt.

Lëscht vun de Stären

	mag	Bayer-Bezeechnung	Numm	Distanz a Liichtjoer	Deklinatioun	Rektaszensioun	Spektralklass
0	−26,73		Sonn	0,000 016	variabel −23,44° bis +23,44°	ëmlafend	G2V
1	−1,44	α CMa	Sirius	8,6	−16° 42' 56,9"	06 45 08,82	AIV
2	−0,62	α Car	Canopus	312	−52 41 44	06 23 57	F0Ib
3	−0,05 var	α Boo	Arcturus	37	+19 10 57	14 55 40	K2III
4	−0,01	α¹ Cen	Alpha Centauri A	4,4	−60 50 02,31	14 39 36,5	G2V+KIV
5	0,03	α Lyr	Vega	25,3	+38 47 01	18 36 56	A0V
6	0,08	α Aur	Capella	42	+45 59 53	05 16 41	G5III+G0III
7	0,18	β Ori	Rigel	770	−08 12 06	05 14 32	B8Ia
8	0,4	α Cmi	Procyon	11,4	+05 13 30	07 39 18	F5IV-V
9	0,45	α Eri	Achernar	145	−57 14 12	01 37 43	B3V
10	0,45 var	α Ori	Betelgeuze	430	+07 24 26	05 55 10	M2Ib
11	0,61	β Cen	Hadar	525	−60 22 22	14 03 49	BIIII
12	0,76	α Aql	Altair	16,7	+08 52 06	19 50 47	A7V
13	0,77	α Cru	Acrux	320	−63 05 57	12 26 36	B0.5IV+BIV
14	0,87 var	α Tau	Aldebaran	65	+16 30 33	04 35 55	K5III
15	0,98	α Vir	Spica	262	−11 09 41	13 25 11	BIV+B2V
16	1,06	α Sco	Antares	604	−26 25 55	16 29 24	MIIb+B4V
17	1,16	β Gem	Pollux	33	+28 01 34	07 45 19	K0III
18	1,17	α PsA	Formalhaut	25,1	−29 37 20	22 57 39	A3V
19	1,25	β Cru	Becrux	352	−59 41 19	12 47 43	B0.5III
20	1,25	α Cyg	Deneb	3200	+45 16 49	20 41 26	A2Ia
21	1,35	α² Cen	Alpha Centauri B	4,4	−60 50 13,76	14 39 35,08
22	1,36	α Leo	Regulus	78	+11 58 02	10 08 22	B7V

Kuckt och

Portal Astronomie