Jacques Delors

Jacques Delors
Gebuertsnumm	Jacques Lucien Jean Delors
Pseudonym	Roger Jacques
Gebuer	20. Juli 1925 14. Arrondissement
Gestuerwen	27. Dezember 2023 5. Arrondissement
Nationalitéit	Frankräich
Educatioun	Faculté de droit et des sciences économiques
Aktivitéit	Ekonomist, Politiker, Gewerkschaftler, Banquier, Héije Fonctionnaire, Buergermeeschter
Partei	Parti socialiste
Member vun	Club de Rome, Académie royale des sciences, des lettres et des beaux-arts de Belgique
Famill
Kanner	Martine Aubry, Jean-Paul Delors

De Jacques Lucien Jean Delors, gebuer den 20. Juli 1925 zu Paräis, an och do gestuerwen de 27. Dezember 2023, war e franséische Politiker, Member vun der Sozialistescher Partei vu Frankräich (PS). Eng vu sengen Duechteren, d'Martine Aubry, ass och an der franséischer Politik. Als Member vun der franséischer sozialistescher Partei ass si zanter dem Mäerz 2001 Buergermeeschtesch vu Lille.

Nodeem en zwee Joer, vun 1979 bis 1981, als Deputéierten am Europäesche Parlament war, gouf de Jacques Delors franséische Wirtschafts- a Finanzminister (1981-1984).

Vun 1983 -1984 war hie Buergermeeschter vu Clichy-la-Garenne am Departement Hauts-de-Seine.

1985 gouf hie President vun der Europäescher Kommissioun. Dës Funktioun hat hie bis Januar 1995. 1992 krut en de Karlspräis. Hie war och Doctor honoris causa vu 24 Universitéiten.

A senger Presidentschaft huet d'europäesch Integratioun grouss Fortschrëtter gemaach. Ënner him koum de sougenannten Acte unique zustanen an den Europäesche Bannemaart huet méi konkreet Formen ugeholl. Dee vun him presentéierten Delors-Plang huet doriwwer eraus den Ustouss fir d'Schafe vun der Europäescher Wärungsunioun ginn.

Publikatiounen

• Delors, Jacques:Mémoires (brochéiert), Januar 2004
• Madelin, Henri a Delors, Jacques: Refaire l'Europe: Le vieux et le neuf, (brochéiert), Juni 2007
• Giddens, Antony, Blair, Tony a Delors, Jacques: La Troisième voie face: Le Renouveau de la social-démocratie (Brochéiert) Abrëll 2002
• Endo, Ken: The Presidency of the European Commission under Jacques Delors, Macmillan, 1999
• Milési, Gabriel: Jacques Delors: l'homme qui dit non, (Brochéiert), 1995

Um Spaweck

Commons: Jacques Delors – Biller, Videoen oder Audiodateien

• Op der offizieller Säit vun der Europäescher Kommissioun gëtt de Jacques Delors als hire fréiere President geéiert