Lingua ofisiala
Una lingua ofisiala es akeya lingua establesida para su uzo en dokumentos ofisiales, en la Konstitusiyon i leyes de un payis i sus rejiones. Endemas, es la lingua uzada en los afitos del govierno i la administrasion sitizena, en los djuzgos i la entreprisa privada. Endemas puede ser la lingua para la edukasiyon i amebzamyento ofisial, tanto para las eskolas publikas komo privadas.
Istorya
[trocar | trocar el manadero]La lingua ofisiala tiene una relasion huerte kon la definision de Estado-nasion. Para munchos, un Estado esta definido linguistikamente diferente frente a otras komunitas, lo kualo dio orijin a dos aspektos enel nasionalizmo enel syéklo XIX:
- La fin de un estado kon munchas linguas, komo el Imperio Ostro-Ungario, ande kada grup etniko tenía el menester de kriar estadios nasionales bazados en komunitas linguistikas; o
- un elemento integrador, komo era la unifikasiyon de avitantes de una misma lingua espartidos por varios payises; ansina era la situasion de Almania antes de la kriasion enel anyo 1871 del Imperio Alman i la baza de la politika nasionalsozialista del Treser Reich de Adolf Hitler. Endemas, en Italia, poko tyempo dempues de la su unifikasiyon, las eskolas publikas unifikaron los lashones rejionales en una lingua italiana standard, lo kualo ayudó a kriar la idea de un Estado Nasional.
En alkunos payises, la definision de "lingua ofisiala" puede ser tan huérte komo para azer ke las povlasiones ke no la avlan en otras rejiones del payis, piedran sus diritos o afilu no ser konsiderados sitizenos si no se ambezan la lingua nasionala.