220 a.C.n.

Annus 220 a.C.n. e serie paginarum brevium de annis.

Eventa

Imago aeri incisa Circi Flaminii quae in pluribus libris septimi decimi saeculi invenitur. Delineator formam circi e veteribus marmoribus numismatisque restituere conatus est.

Romae, M. Valerio Laevino I et Q. Mucio Scaevola consulibus

• Circus Flaminius in Campo Martio aedificatus est, ita nominatus e censore Gaio Flaminio. Qui censor viam Flaminiam quoque sternendam locavit.

In Graecia

• Bella Illyrica : Demetrius Pharius, dux Illyricus, expeditiones piraticas in civitates litoris Illyrici atque in mari Ionio circa insulas Graecas duxit, quibus foedus inter Romanos et reginam Teutam pactum violavit : sic incipit secundum bellum Illyricum.
• Aetoli agros Messeniae ut diriperent iter per Achaiam fecerunt non sine iniuriis incolarum plurimis. Aratum strategum Foederis Achaici obstare conantem proelio apud Caphyas vicerunt. Mox urbem Arcadicam Kynaitha ceperunt atque diripuerunt. Tunc Aratos auxilium a rege Philippo V et societate Graecarum civitatum petiit. Rex Macedonum legatos civitatum Corinthum concilii habendi causa convocavit et socii (Macedones, Acarnanes, Phocides, Boeotii, Achivi...) bellum Aetolis intulerunt. Sic incipit bellum "sociorum" (συμμαχικὸς πόλεμος) dictum.

In imperio Seleucidarum

• Instanti periculo e Coele Syria revocatus, rex Antiochus III exercitum ipse ducens seditiosum satrapen Mediae Molonem, qui sese regem ipse appellaverat, ad urbem Apolloniam vicit. Duces coniurationis - inter quos fuit Alexander satrapes Persiae et Molonis frater - mortem sibi ipsi consciverunt. Iter faciens Antiochus Atropatenen quoque subegit. Tum Hermeias, qui potentissimus minister Antiochi erat atque adulescentem regium regere volebat, iussu Antiochi insidiis necatur.

Nati

Nati huius temporis desiderati (additis natis, hanc formulam remove, vide etiam 2 fere paginas in categoria Categoria:Nati 220 a.C.n.)

Mortui

• Molon, satrapes Mediae.
• Alexander, satrapes persiae.
• Hermeias, minister Antiochi III.