John T. Koch
| John T. Koch | |
|---|---|
| Genys |
20 century  |
| Alma mater |
|
| Galwesigeth |
Celticist, yethor, istorior |
| Arvether |
|
| Pewasow |
Guggenheim Fellowship, Fellow of the Learned Society of Wales |
| Eseleth |
Learned Society of Wales |
John T. Koch yw akademek, istorier hag yethor amerikanek a arbennek yn studhyow keltek, yn arbennik kynsistori ha'n Osos Kres a-varr. Ev o golegydh pymp lyver Celtic Culture. A Historical Encyclopedia (2006, ABC Clio). Ev yw moyha aswonnys avel chif skoodhyer an tybyans Keltek a'n gorlewen.
Resegva
[golegi | pennfenten]Gradhesik yw a Bennskol Harvard, le may kavas mestronieth yn 1983 ha doktourieth yn 1985 yn Yethow ha Lien Keltek. Ev ynwedh re studhyas yn Pennskolyow Rysoghen hag Aberystwyth. Ev re dhyskas Studhyow Keltek yn Pennskol Harvard ha Kolji Boston.
A-dhia 1998, ev re beu redyer yn Kresen Studhyow Kembrek ha Keltek Avonsys, le may hworwolyas ragdres hwithrans gelwys 'Yethow Keltek ha Honanieth Gonisogethel'.
Ev re dhyllas yn efan war dremynnow an yethow Iwerdhonek ha Kembrek a-varr, ha'ga lien hag istori. Y oberyow a gomprehend The Celtic Heroic Age (dyllys yn kynsa yn 1994, 4a dyllans yn 2003), war-barth ha John Carey; The Gododdin of Aneirin (1997), golegyans, treylyans ha dadhel ow tochya an gan Gembrek a-varr Y Gododdin; ha lies erthygel dyllys yn lyvrow ha lyvrow-termyn. Yma lyver gramasek a Gembrek Koth ha lyver ow tochya Taliesin war an fordh.
Yn 2007, John Koch a dhegemeras kader bersonel yn Pennskol Kembra.
Koch a worwool (avel redyer ha hembronkyer ragdres) Ragdres Breten Goth ha Parth an Iwerydh (Iwerdhon, Breten Vyghan ha konna tir Iberi) yn Kresen Studhyow Kembrek ha Keltek Avonsys, Pennskol Kembra. Yn 2008, Koch a wrug an Areth O'Donnell yn Pennskol Aberystwyth gelwys People called Keltoi, the La Tène Style, and ancient Celtic languages: the threefold Celts in the light of geography. Yn 2009, Koch a dhyllas lyver Tartessian: Celtic from the Southwest at the Dawn of History, ow manylya fatel via yeth Tartessek an yeth Keltek a-varra martesen, gans lytherennek skrifys war gravyansow (selys war lytherennek Fenicianek) ha usys a-dro dhe 825 KOK. Sewyes o hemma gans Tartessian 2: Preliminaries to Historical Phonology yn 2011, fogellys war ravyans Mesas do Castelinho.
Tybyansow
[golegi | pennfenten]Koch re beu chif skoodhyer an tybyans 'Keltek a'n gorlewen'. Hemm yw an tybyans dell dhallathas an yethow keltek avel skorren a'n yethow Eyndo-Europek, a-der a Europa est, ow tewynnya war tu ha'n west, mes ow talleth yn Iberi (Spayn ha Portyngal arnowydh) yn-mysk an Keltiberoryon ha poblow ogas avel kesunyans a yethow kyn-Eyndo-Europek ha di-Eyndo-Europek teythyek (yethow Henhispanek kelmys dhe Vaskek) gans nebes delanwes Fenicianek. Alenna (herwydh an tybyans) i a lesas war tu an est dhe an powyow a via awosa Gal (Pow Frynk, Almayn arnowydh ha ranndiryow ogas). Ena y fia yethow kyn-Italek ha kyn-Almaynek ow tisplegya seulabrys. An tybyans ma, testen tri lyver yn kevres gans Koch ha Barry Cunliffe gelwys Celtic from the West (2012–2016), yw gorthargyadow.
Lyvrow dyllys
[golegi | pennfenten]- Kes-olegydh: Celtic from the West 3: Atlantic Europe in the Metal Ages ― Questions of Shared Language, Oxbow Books, 2016, ISBN - 978-1785702273
- Cunedda, Cynan, Cadwallon, Cynddylan: Four Welsh Poems and Britain 383–655, Pennskol Kembra - Kresen Studhyow Kembrek ha Keltek Avonsys, 2013, ISBN - 978-1907029134
- Kes-olegydh: Celtic from the West 2: Rethinking the Bronze Age and the Arrival of Indo-European in Atlantic Europe, Oxbow Books, 2013, ISBN - 978-1842175293
- Tartessian: Celtic from the Southwest at the Dawn of History, 2013, Oxbow Books, ISBN - 978-1891271175
- Kes-olegydh: Celtic from the West: Alternative Perspectives from Archaeology, Genetics, Language and Literature, Oxbow Books, 2012, ISBN - 978-1842174753
- Kes-olegydh: The Celts: History, Life, and Culture, ABC-CLIO, 2012 ISBN - 978-1598849646 (2 lyver)
- Tartessian 2: The Inscription of Mesas do Castelinho – ro and the Verbal Complex – Preliminaries to Historical Phonology, 2011, Oxbow Books , ISBN - 978-1907029073
- An Atlas for Celtic Studies: Archaeology and Names in Ancient Europe and Early Medieval Ireland, Britain, and Brittany, Oxbow Books, 2007, ISBN - 978-1842173091
- Golegydh {Celtic Culture: A Historical Encyclopedia, ABC-CLIO, 2006, ISBN=185-1094407 (4 lyver)
- Kes-olegydh: The Celtic Heroic Age, Oxbow Books, 2003, ISBN - 978-1891271045 (2 lyver)
- Kes-olegydh: The Inscriptions of Early Medieval Brittany - Les inscriptions de la Bretagne du Haut Moyen Âge, Pennskol Aberystwyth, 2000
- Kes-olegydh: Ildanach Ildirech: A Festschrift for Proinsias Mac Cana, Oxbow Books, 1999, ISBN - 978-1891271014
- The Gododdin of Aneirin: Text and Context from Dark-Age North Britain, 1997, ISBN - 978-0708313749
- Kes-olegydh: Proceedings of the Harvard Celtic Colloquium Volume II, 1982, Pennskol Harvard