Hippocrates

Hippocrates
Genys	c. 460 BC  Kos
Mernans	c. 370 BC  Larissa
Galwesigeth	medhek, filosofer
Fleghes	Thessalus

Hippocrates (c. 460 – c. 370 KOK) o medhek grek gelwys "tas medhegneth". Ev o an kynsa den dhe dhyski tus dhe godha klav rag skilys godhoniethel. A-gynsow, pobel a grysi bos kleves kawsys gans duwow serrys.

Lower a skrifow Hippocrates yw posek dhe vedhogyon hedhyw. Rag ensampel, kelyfydhys perthyer, ow styrya y hyll medhogyon omgussulya perthyer saw gans an perthyer y honan. Unn aral a'y dybyansow yw na dal medhek nevra a'y wodhvos hebronk perthyer dh'y vernans. Rann yw tybyansow kepar ha'n re ma a ethek medhegel.

Henwys yw an "Ti Hippokratek" dh'y enora. Sett a rewlys yw an ti medhogyon dhe assentya rag obaya. An rewlys a sew yw unn versyon a Di Hippokratek arnowydh usys yn Skol Medhegneth, Pennskol Carolina North.

An Ti Hippkratek

My a li yn sad gans oll a synsav dhe vos sanssa

• y fydhav lel dhe alwesigeth medhegneth hag ewnhynsek dh'y eseli
• y mynnav omdhoon ha gul ow hreft gans virtu hag enor
• mar ylliv a-ji neb chi, y tal bos rag dader an glevyon ha'n yagh gans oll ow gallos hag omsynsav a-denewen rag drokter ha legras ha temptya erel dhe dhrogedh
• y hwrav usya ow skians rag les ow ferthyoryon, difres godhevyans, lestans kleves hag avonsyans yeghes, ha na rov drogg na gul neppyth rag porpos anvas
• y hwrav prederi a-dro dhe les an glevyon orth aga dyghtya posekka ages aga gallos dhe astiveri ow servisyow
• y synsav kevrinek yn tien pypynag y hwelav ha klewes orth dyghtya po yn-mes dyghtyans yn kever bewnansow tus na dal bos kewsys
• yth omrov ow honan dhe hys bewnans a dhyski a-dro dhe art ha skiens medhegneth
• an taklow yth ambosav, hag yn kemusurel dhe'm lelder dhe'n ti ma, re bo lowena ha bri dhymm, mes mar tylliv gwandra ha mos erbynn an ti ma, re bo an kontrari dhymm