Simbabwe

He die Sie ös op Stolberjer Platt
(Sije op Stolberjer Platt)
un jeschrieve wie moch öt kallt
(Sije jeschrieve wie moch öt kallt)

Vaan va Simbabwe

Simbabwe es ö Land em südlich Afrika. Öt entstäng us öt vreuere Rhodesie. D derekte Nobberstaate send Südafrika, Botswana, Sambia un Mosambik.

D jrüützde Stätte send Harare mit 1,6 Milliun Äwohner un Bulawajo, watt va ca. 653.337 Lüüh bewonnd weed (2012). I jans Simbabwe wonne ca. 16 Milliun Lüüh.

D Sommere ä Simbabwe send wäm un vöch, en d Wenktere bliid d Temperatur beij 25°. Ävver en d hüüdere Jäjende kann öt sujar Vrooß jävve. Jraßland mit enkele Bööm maache dr jrüützde Deel van d Landschaf us.

Dr hüxde Bärch va Simbabwe es dr 2.592 M. huhe Inyangani.

Dr jrützde Deel van d Simbabwer jehüüd zm Volk van d Shona. Donävver leeve ävver och völl Ndebele em Land. Di Zaahl van d Wisse em Land nomm immer mi aav. Hüü z Daachs send dat mä noch onjeväär 28.000. Dat vüürde ävver zo jruuße weetschaftliche Probleme.

Ee van d jrüützde Probleme, di öt Land hat, es Eids. Dodörch sterve ösu völl Lüüh, dat d Zaahl van d Simbabwer net mi steecht, sujar vällt. Öt weed dova ussjejange, dat tösche 24 un 35 % dora erkrankt send.

Simbabwe jäng us d vreuere änglische Koloni Südrhodesie hervöör. Nordrodesie wood zo Sambia. 1980 wood öt onaavhängich.

Mugabe woor dr Präsident van öt Land. Hä es ärch omsträdde. Völl halde häm vöör önö Diktator. 2017 wood hä aafjesetz.

D Arbeitslosichkeet ä Simbabwe litt beij 80 %, d Inflatiun beij 32 % (em Joohr 1998).

Websiije

• Informatiun van öt usswärtije Amt övver Simbabwe
• Siij over Simbabwe
• Simbabwe ä Zaahle

D Staate em Süüde va Afrika

Angola | Botswana | Lesoto | Madagaska | Malawi | Mosambik | Namibia | Sambia | Simbabwe | Südafrika | Swasiland