Несторианшылдық

Несторианшылдық , несториан діні — 5 ғасырда Византияда пайда болған христиан дініндегі ағым. Негізін Константинополь патриархы (428–31) Несторий қалаған. Несторианшылдық ағым «адам Құдай» жайлы христиандық ұғымды сынға алды. Несторийдің пікірі бойынша, қасиетті Мария ана адамды туған, кейіннен Иса адамға тән әлсіздікті жеңіп, мессия дәрежесіне жеткен. Нестроианшылдықты жақтаушылар дінбұзарлар ретінде айыпталып, қудаланды. Олар негізінен Иранға, Орта Азияға, Қытайға қашты. Иранда, Иракта, Үндістанда Несторианшылдықты жақтаушылар бар.^[1]